قومی کرکٹ ٹیم کے فاسٹ بولر شاہین شاہ آفریدی نے بھارتی ٹیم کے ایک کھلاڑی کو خطرناک قرار دیا ہے۔
کرکٹ ورلڈ کپ 2023 کے سب سے بڑے میچ میں روایتی حریف پاکستان اور بھارت کی ٹیمیں آج احمد آباد کے نریندر مودی کرکٹ اسٹیڈیم میں آمنے سامنے ہوں گی۔
میگا ایونٹ کے شروع ہونے سے قبل اسٹار اسپورٹس پر بات کرتے ہوئے قومی کرکٹ ٹیم کے فاسٹ بولر شاہین آفریدی نے بھارتی کپتان روہت شرما کو بھارتی بیٹنگ لائن اپ میں سب سے بڑا خطرہ قرار دیا ہے۔
قومی کرکٹ ٹیم کے فاسٹ بولر شاہین شاہ آفریدی نے کہا کہ بھارتی بیٹنگ لائن اپ کو دباؤ میں رکھنے کا واحد طریقہ روہت شرما کو جلد آؤٹ کرنا ہے۔
.@ImRo45 is a threat up top & scores runs in bulk.@iShaheenAfridi reckons the skipper’s wicket will be of supreme importance in the #GreatestRivalry!#8KaWait is ON!
Tune-in to #INDvPAK in the #WorldCupOnStar
Today, 12:30 PM onwards | Star Sports Network#CWC23 #Cricket pic.twitter.com/2LsOQUVJlL— Star Sports (@StarSportsIndia) October 14, 2023
شاہین شاہ نے کہا کہ روہت شرما بھارتی ٹیم کا کپتان ہے، انہوں نے اپنی ٹیم کے لیے بڑے رنز کیے ہیں، وہ ایک مشکل کھلاڑی ہے اور کسی بھی ٹیم کے کپتان کو آؤٹ کرنے سے ٹیم کے دیگر کھلاڑیوں پر پریشر آتا ہے۔
شاہین شاہ نے کہا کہ روہت شرما اس وقت بھارتی ٹیم کے اہم کھلاڑیوں میں سے اہم ہے، میں ان کی وکٹ لے کر ٹیم پر پریشر ڈالنے کی کوشش کروں گا۔
واضح رہے کہ روہت شرما انٹرنیشنل کرکٹ میں شاہین شاہ آفریدی کے خلاف پریشانی کا شکار رہے ہیں، روہت 2021 کے ٹی ٹوئنٹی ورلڈ کپ میں گولڈن ڈک ہوئے، 2022 میں شاہین کی پانچ گیندوں پر چار رنز بنائے جبکہ 2018 کے ایشیا کپ میں روہت نے شاہین کی 18 گیندوں پر 19 رنز بنائے تھے۔
جبکہ حال ہی میں ایشیا کپ 2023 کے میچ میں پاکستان کے اسٹار فاسٹ بولر شاہین آفریدی نے صرف چار گیندوں پر دو عظیم ون ڈے بلے بازوں کو کلین بولڈ کیا تھا جس میں بھارت کے موجودہ کپتان روہت شرما تھے اور دوسری بلے بار سابق کپتان ویرات کوہلی تھے۔
