پاکستان اور پرائم منسٹر الیون کے میچ کے دوران سرفراز احمد کی ویڈیو سوشل میڈیا پر وائرل ہوگئی۔
پاکستان اور پرائم منسٹر الیون کے درمیان چار روزہ میچ کے تیسرے دن کے کھیل ختم ہوگیا، کینبرا میں میچ کے تیسرے دن پرائم منسٹر الیون نے 4 وکٹ پر 367 رنز بنا لیے جبکہ اب بھی اسے 24 رنز کا خسارہ باقی ہے۔
میٹ رنشا 136 اور بیو ویبسٹر 21 رنز پر ناٹ آؤٹ ہیں جبکہ کیمرون بین کرافٹ 53، کیمرون گرین 46، مارکس ہیرس 49 اور نیتھن میک سوئینے 40 رنز بنا کر آؤٹ ہوئے۔
A timely ton from Matthew Renshaw highlighted a batter-dominated day three in Canberra#PMXIvPAK
— cricket.com.au (@cricketcomau) December 8, 2023
پاکستان کے خرم شہزاد، فہیم اشرف، ابرار احمد اور امام الحق نے ایک ایک وکٹ حاصل کی۔
تاہم میچ کے دوران فاسٹ بولر خرم شہزاد نے باؤنسر کروائی جو میٹ رنشا نے چھوڑ دی اور گیند وکٹ کیپر سرفراز احمد کے ہاتھوں میں گئی۔
اس دوران سرفراز نے کہا کہ ’اوئے ہوئے، دیکھ لو، چھوٹے ڈان 45 اوور بعد یاد آیا ہے، کیا بات ہے۔‘
Chota don @saudshak, I was not aware of your game, man#ChotaDon #AUSvsPAK pic.twitter.com/XWYLU4TkOg
— Zahra (@ZahraNasir11) December 7, 2023
یاد رہے کہ پاکستان نے پہلی اننگ 9 وکٹ 391 رنز پر ڈیکلیئر کی تھی۔
واضح رہے کہ پاکستان اور آسٹریلیا کے درمیان تین ٹیسٹ میچوں کی سیریز کا پہلا میچ 14 دسمبر سے پرتھ میں کھیلا جائے گا۔
