The news is by your side.

Advertisement

سنچورین ٹیسٹ: جنوبی افریقہ نے پاکستان کو 6 وکٹوں سے شکست دے دی

سنچورین: جنوبی افریقہ نے پاکستان کو پہلے ٹیسٹ میچ میں 6 وکٹوں سے شکست دے دی، اولیویئر کو 11 وکٹیں حاصل کرنے پر میچ کا بہترین کھلاڑی قرار دیا گیا۔

تفصیلات کے مطابق سنچورین ٹیسٹ میچ میں جنوبی افریقہ نے پاکستان کو 6 وکٹوں سے شکست دے دی، پروٹیز کو تین میچوں کی سیریز میں 1-0 کی برتری حاصل ہوگئی، اولیویئر میچ کے بہترین کھلاڑی قرار پائے۔

تیسرے روز 149 رنز ہدف کے تعاقب میں جنوبی افریقہ نے بیٹنگ کا آغاز کیا تو حسن علی نے اوپنر مرکرام کو صفر پر ہی پویلین بھیج دیا۔ فخر زمان نے ہاشم آملہ کا آسان کیچ ڈراپ کردیا جس کے بعد ہاشم آملہ نے ناقابل شکست 63 رنز کی اننگز کھیل کر ٹیم کی جیت میں اہم کردار ادا کیا۔

جنوبی افریقہ کے ایلگر نے 50 رنز بنائے انہیں شان مسعود نے آؤٹ کیا، ڈی برائن 10 رنز بنا کر یاسر شاہ کا شکار بنے، ڈوپلیسی پہلی اننگز کی طرح دوسری اننگز میں بھی ناکام رہے وہ بغیر کوئی رن بنائے پویلین لوٹ گئے۔

پاکستان کی جانب سے حسن علی، شاہین شاہ آفریدی، یاسر شاہ اور شان مسعود نے ایک، ایک وکٹ حاصل کی۔

تین ٹیسٹ میچوں کی سیریز میں جنوبی افریقہ کو 1-0 کی برتری حاصل ہوگئی ہے، سیریز کا دوسرا میچ کیپ ٹاؤن میں 3 جنوری سے شروع ہوگا۔

پاکستان کا جنوبی افریقہ کو جیت کے لیے 149 رنز کا ہدف

خیال رہے کہ گزشتہ روز پاکستان کی پوری ٹیم دوسری اننگز میں 190 رنز پر آؤٹ ہوگئی تھی جبکہ جنوبی افریقہ کی ٹیم بھی 223 رنز بنا سکی تھی۔

پاکستان کی جانب سے امام الحق اور شان مسعود نے نصف سنچریاں اسکور کی تھیں، دونوں نے بالترتیب 57 اور 65 رنز بنائے تھے۔

واضح رہے کہ پاکستان اور جنوبی افریقہ کے درمیان اب تک ہونے والے 23 ٹیسٹ میچوں میں سے پاکستان نے 4 جنوبی افریقہ 12 میچ جیتے ہیں جبکہ 7 میچ ڈرا ہوئے۔

Comments

comments

یہ بھی پڑھیں