بینونی: پاکستان کرکٹ ٹیم کا دورہ جنوبی افریقہ کا آغاز آج سے ہوگا، دونوں ٹیموں کے درمیان سہ روزہ میچ کھیلا جائے گا۔
تفصیلات کے مطابق پاکستان اور جنوبی افریقہ کے درمیان آج سے بینونی میں سہ روزہ میچ کھیلا جائے گا، اوپنر فخر زمان فٹ ہوگئے، میچ میں حصہ لیں گے۔
پاکستان ٹیم کے لیے پہلے ٹیسٹ کی تیاری کا واحد موقع ہے، بینونی میں تین روزہ میچ میں بیسٹ الیون کا تجربہ اچھا ہے، جبکہ فاسٹ بولر محمد عباس فٹ نہیں ہیں۔
ٹیسٹ سے پہلے انکا کھیلنا ضروری تصور کیا جارہا تھا، جنوبی افریقہ میں فرنچائز کرکٹ کی وجہ سے اھم کھلاڑی اس سہ روزہ میچ کے لیے دستیاب نہیں ہیں۔
دوسری جانب کوچ مکی آرتھر کا کہنا ہے کہ پاکستان کو بیٹنگ سدھارنا ہے، تین روزہ میچ میں نوجوان اور ناتجربہ کار بولنگ کے سامنے ٹاپ آرڈر کو اچھی پریکٹس حاصل کرنا ہوگی، پاکستان ٹیسٹ سیریز جیتنے کا اہل ہے۔
اب ساری توجہ ساؤتھ افریقہ کے دورے پر ہے: سرفراز احمد
خیال رہے کہ سیریز کا تیسرا اور آخری ٹیسٹ گیارہ جنوری سے جوہانسبرگ میں شیڈول ہے، قومی کرکٹ ٹیم جنوبی افریقہ کے خلاف 5 ایک روزہ میچز کی سیریز بھ کھیلے گی۔
پانچ میچوں کی سیریز کا پہلا ون ڈے 19جنوری کو کھیلا جائے گا، گرین شرٹس جنوبی افریقہ میں 3 ٹی ٹوئنٹی میچز کی سیریز بھی کھیلیں گے، جنوبی افریقہ کے طویل دورے کا اختتام 6 فروری کو ہوگا۔
قومی ٹیسٹ اسکواڈ میں سرفراز احمد، فخر زمان، شان مسعود، شاداب خان ،فہیم اشرف اور محمدعامر، امام الحق، اظہر علی، حارث سہیل، اسدشفیق، بابر اعظم، محمدرضوان، محمدعباس، حسن علی، شاہین آفریدی بھی شامل ہیں۔
