بلاوائیو: پاکستان اور زمبابوے کے درمیان پانچ میچوں کی سیریز کا آخری معرکہ آج بلاوایو میں کھیلا جائے گا۔
تفصیلات کے مطابق پاکستان اور زمبابوے کے درمیان پانچ ایک روزہ میچز کی سیریز کا آخری میچ آج کوئنز اسپورٹس کلب میں کھیلا جائے گا۔
پاکستانی وقت کے مطابق میچ سوا 12 بجے شروع ہوگا، گرین شرٹس کو پہلے ہی سیریز میں 0-4 کی فیصلہ کن برتری حاصل ہے۔
پاکستان نے زمبابوے کو 244 رنز سے شکست دے دی
خیال رہے کہ 20 جولائی کو فخر زمان کی ڈبل سنچری اور امام الحق کی سنچری کی بدولت پاکستان نے زمبابوے کو چوتھے ون ڈے میچ میں 244 رنز کے بھاری مارجن سے شکست دی تھی، فخر زمان کو میچ کا بہترین کھلاڑی قرار دیا گیا تھا۔
فخر زمان 155 گیندوں پر210 رنز کے ساتھ ناٹ آؤٹ رہے تھے انہوں نے اپنی اننگز میں 5 چھکے اور 24 چوکے لگائے تھے۔
واضح رہے کہ گرین شرٹس کے لیے سیریز میں وائٹ واش ضروری ہے جس کے لیے پاکستان کو آج کا میچ جیتنا ضروری ہے، ناکامی انہیں رینکنگ میں پانچویں سےساتویں نمبر پردھکیل دے گی۔
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
