The news is by your side.

Advertisement

پاکستان افغان امن عمل میں خلوص نیت سےکردار ادا کرتا رہےگا،وزیر خارجہ

اسلام آباد: وزیر خارجہ شاہ محمود قریشی کا کہنا ہے کہ پاکستان افغان امن عمل میں خلوص نیت سےکردار ادا کرتا رہےگا۔

تفصیلات کے مطابق وزیرخارجہ شاہ محمود قریشی نے افغانستان کے قائم مقام وزیر خارجہ حنیف آتمر سے رابطہ کیا، دونوں وزرائے خارجہ میں کرونا کا پھیلاؤ روکنے اور علاقائی امن واستحکام سے متعلق تبادلہ خیال کیا گیا۔

شاہ محمود قریشی نے حنیف آتمر کو منصب سنبھالنے پر مبارکباد دیتے ہوئے کہا کہ توقع ہے پاک افغان دو طرفہ تعلقات کو فروغ ملےگا،
پاکستان افغانستان کے ساتھ تعلقات کوانتہائی اہمیت دیتا ہے۔

وزیر خارجہ نے کہا کہ پاکستان افغان امن عمل میں خلوص نیت سے کردار ادا کرتا رہےگا،افغان قیادت کے پاس دیرپا امن واستحکام کے لیے نادرموقع ہے۔شاہ محمود قریشی کا مزید کہنا تھا کہ پاکستان مضبوط،مستحکم اور پرامن افغانستان کے لیے معاونت جاری رکھےگا۔

افغانستان میں پھنسے ڈرائیورز کے لیے سرحد کھول دی گئی

واضح رہے کہ افغانستان میں پھنسے ٹرانزٹ ٹریڈ ڈرائیورز کے لیے سرحد کھول دی گئی، پاک افغان سرحد سے آج 70سے 80 ڈرائیور واپس وطن آئیں گے۔

Comments

یہ بھی پڑھیں