برلن : وزیرخارجہ شاہ محمود قریشی نے جرمن ہم منصب کیساتھ ملاقات کے بعد خوشخبری سناتے ہوئے کہا پاکستان کوکوویکس پروگرام کے تحت ڈیڑھ کروڑ کورونا ویکسین ڈوز ملیں گی۔
تفصیلات کے مطابق وزیر خارجہ شاہ محمودقریشی نے سماجی رابطے کی ویب سائٹ ٹوئٹر پر اپنے پیغام میں کہا کہ جرمن زیر خارجہ سے ملاقات کے بعد مجھے یہ اعلان کرتے ہوئے خوشی ہورہی ہے کہ پاکستان کوکوویکس پروگرام کےتحت ڈیڑھ کروڑکوروناویکسین ڈوزملیں گی ، کورونا ویکسین کی ڈوز مئی میں ملنے کی یقین دہانی کرائی گئی ہے۔
Following my meeting with Foreign Minister @HeikoMaas, I am happy to announce that Pakistan will receive 15 million doses of the #COVID vaccine under COVAX, with a commitment for these to be delivered by May. 🇵🇰 🇩🇪
— Shah Mahmood Qureshi (@SMQureshiPTI) April 12, 2021
یاد رہے فروری میں نیشنل کمانڈ اینڈ آپریشن سینٹر کی جانب سے بیان میں کہا گیا تھا کہ کوویکس پاکستان کو ویکسین تین مراحل میں فراہم کرے گا ، پاکستان کو مارچ میں مجموعی طور پر 5.6 ملین ویکسین ملیں گی، پہلے ہفتے میں 2.8 ملین اور دوسرےہفتےمیں2.8ملین ڈوزز ملیں گے۔
این سی او سی کا کہنا تھا کہ کوویکس کی جانب سے مارچ کے اختتام تک کورونا ویکسین کی 5.6ملین ڈوزز پاکستان پہنچیں گی اور جون کے اختتام تک 17.1 ملین ویکسین فراہم کی جائیں گی، کوویکس پاکستان کو جون تک مجموعی طور پر 22.7ملین ڈوززفراہم کرے گا۔
