قومی ٹیم نے دوسرے ون ڈے میچ میں نیدرلینڈز کو 7 وکٹوں سے شکست دے کر تین میچوں کی سیریز میں 2-0 کی فیصلہ کن برتری حاصل کرلی۔
تفصیلات کے مطابق دوسرے ون ڈے میچ میں پاکستان نے نیدرلینڈز کی جانب سے دیا جانے والا 187 رنز کا ہدف تین وکٹوں کے نقصان پر 34اوورز میں باآسانی حاصل کرلیا، محمد نواز کو تین وکٹیں حاصل کرنے پر مین آف دی میچ کا اعزاز دیا گیا۔
ہدف کے تعاقب میں قومی ٹیم کی دو وکٹیں جلد گر گئیں جب اوپنر فخر زمان تین اور امام الحق چھ رنز بنا کر پویلین لوٹ گئے۔
Smiles all the way, congratulations Pakistan! 🇵🇰 #PAKvsNED pic.twitter.com/19Uj5JlSo9
— Maham Gillani (@dheetafridian__) August 18, 2022
دونوں کھلاڑیوں کے جلد آؤٹ ہونے کے بعد بابر اعظم اور محمد رضوان نے شاندار شراکت داری قائم کی تاہم 99 رنز کے مجموعی اسکور پر بابر 57 رنز بنا کر پویلین لوٹ گئے۔
رضوان کو آغا سلمان نے جوائن کیا اور جارح انداز اپناتے ہوئے 50 رنز کی ناٹ آؤٹ اننگز کھیلی جبکہ رضوان بھی 69 رنز کے ساتھ ناقابل شکست رہے۔
Sixth ODI half-century for Mohammad Rizwan 👏
A brilliant innings to steer the chase after the early loss of the openers 🌟#NEDvPAK | #BackTheBoysInGreen pic.twitter.com/v4hKnHxDVp
— Pakistan Cricket (@TheRealPCB) August 18, 2022
نیدرلینڈز کی جانب سے دونوں وکٹیں ویوین کنگما نے حاصل کیں۔
اس سے قبل نیدرلینڈز نے پہلے بیٹنگ کرتے ہوئے 44.1 اوورز میں 186 رنز پر ڈھیر ہوگئی اور پاکستان کو جیت کے لیے 187 رنز کا ہدف دیا تھا۔
پاکستان نے صرف 8 رنز پر نیدرلینڈز کے تین کھلاڑی آؤٹ کیے کوپر اور لیڈے نے 109 رنز کی شراکت بنا کر ٹیم کو مشکل سے نکالا۔
کوپر نے مسلسل دوسری نصف سنچری اسکور کرتے ہوئے 66 رنز کی اننگز کھیلی جبکہ ڈی لیڈے نے اپنے ون ڈے کیریئر کی سب سے شاندار 89 رنز کی اننگز کھیلی۔
Haris Rauf’s little tribute to his bestest friend, Shaheen Afridi is straight up goals pic.twitter.com/nfuIQUujGr
— adi✨|| haris rauf cheerleader (@adidoescricket) August 18, 2022
پاکستان کی جانب سے محمد نواز اور حارث رؤف نے تین، تین کھلاڑیوں کو پویلین کی راہ دکھائی جبکہ فاسٹ بولر نسیم شاہ نے دو وکٹیں حاصل کیں۔
آل راؤنڈر شاداب خان اور محمد وسیم جونیئر ایک، ایک وکٹ حاصل کرسکے۔
1️⃣8️⃣7️⃣ is the target for Pakistan 🎯@HarisRauf14 and @mnawaz94 pick up three wickets each in a fine bowling performance 👏#NEDvPAK | #BackTheBoysInGreen https://t.co/fYVDNbgkYk pic.twitter.com/rphCNdulRt
— Pakistan Cricket (@TheRealPCB) August 18, 2022
پاکستان کو تین ون ڈے میچوں کی سیریز میں ایک صفر کی برتری حاصل ہے۔ قومی ٹیم نے دورہ نیدر لینڈز کا فاتحانہ آغاز کرتے ہوئے پہلے میچ میں میزبان ٹیم کو 16 رنز سے شکست دی تھی۔
