پاکستان ویمنز کرکٹ ٹیم کی کپتان فاطمہ ثنا کے والد کراچی میں انتقال کر گئے ساتھی کھلاڑیوں اور منیجمنٹ نے افسوس کا اظہار کیا ہے۔
اے آر وائی نیوز کے مطابق متحدہ عرب امارات میں جاری آئی سی سی ٹی 20 ورلڈ کپ کھیلنے میں مصروف پاکستان ویمنز کرکٹ ٹیم کی کپتان فاطمہ ثنا کو صدمہ پہنچا ہے۔ ان کے والد کراچی میں قضائے الہٰی سے انتقال کر گئے ہیں۔
پی سی بی کے مطابق فاطمہ ثنا آج پہلی دستیاب فلائٹ سے کراچی کے لیے روانہ ہوں گی۔ ساتھی کھلاڑیوں اور منیجمنٹ سے ان سے والد کے انتقال پر تعزیت کا اظہار کیا ہے۔
- Advertisement -
واضح رہے کہ پاکستان ویمنز کرکٹ ٹیم ان دنوں آئی سی سی ٹی ٹوئنٹی ورلڈ کپ کھیلنے کے لیے متحدہ عرب امارات میں موجود ہے۔ قومی ٹیم ایونٹ میں 2 میچز کھیل چکی ہے جس میں ایک میں فتح اور ایک میں ناکامی ہوئی ہے۔
