The news is by your side.

Advertisement

ماضی میں برتن دھونے والے پاکستانی نژاد امریکی تاریخی برطانوی اسٹیڈیم خریدیں گے

لندن: پاکستانی نژاد امریکی شاہد خان 800 ملین ڈالرز میں برطانیہ کا ویمبلے اسٹیڈیم کی ملکیت حاصل کریں گے۔

غیر ملکی خبر رساں ادارے کے مطابق پاکستان سے امریکا جاکر سو ڈالر فی گھنٹہ کے حساب سے ڈش واشنگ کا کام کرنے والے شاہد خان اب دنیا کے 217 ویں امیر شخص ہیں، ان کی اپنی 170 ملین ڈالر کی پرتعیش کشتی موجود ہے۔

شاہد خان امریکی نیشنل فٹ بال لیگ ٹیم اور انگلینڈ کی فلم ٹیم کے مالک بھی ہیں، انہوں نے ایف اے کو ویمبلے اسٹیڈیم کی سب سے بڑی بڈ دی تھی۔

امریکی تاجر کی جانب سے بولی لگائے جانے کے بعد شاہد خان اور برطانوی فٹبال ایسوسی ایشن کے درمیان معاہدے کا امکان ہے جبکہ امکان ظاہر کیا جارہا ہے کہ گراؤنڈ 900 ملین پاؤنڈ میں فروخت کردیا جائے گا۔

پانچ اعشاریہ 2 ارب پاؤنؑڈ اثاثوں کے مالک شاہد خان اسٹیڈیم کی خریداری کے لیے 600 ملین پاؤنڈ کیش ادا کریں گے اور 300 ملین پاؤنڈ کی ادائیگی بعد میں کی جائے گی۔

برطانوی فٹ بال ایسوسی ایشن کا کہنا ہے کہ معاہدے کے بعد 100 ملین پاؤنڈ سال 2024 میں ادا کرنا ہوں گے دوسری جانب برطانوی شہریوں نے ویمبلے استیڈٰیم کی فروخت کی خبریں سامنے آنے کے بعد شدید غم و غصے کا اظہار کیا ہے۔

فٹبال شائقین کا کہنا ہے کہ ویمبلے اسٹیڈیم کو برطانیہ کے لیے تاریخی حیثٰیت کا حامل اسٹیڈیم ہے، جہاں 1920 سے میچز کا انعقاد ہورہا ہے اسے کس طرح امریکی تاجر کے حوالے کیا جاسکتا ہے۔

ادھر برطانوی وزیر اعظم تھریسامے نے انتظامیہ کو خبردار کیا ہے کہ کسی بھی نتیجے پر پہنچنے سے پہلے فٹ بال شائقین کو اعتماد میں ضرور لیا جائے۔

انتظامیہ کا کہنا ہے کہ اسٹیڈیم کی فروخت سے متعلق انتظامات آخری مراحل میں ہیں جبکہ فٹبال ایسوسی ایشن اس حوالے سے کوئی بھی فیصلہ کرنے سے پہلے شائقین کو اعتماد میں لے گی۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں