site
stats
عالمی خبریں

دبئی، خواتین کو ہراساں کرنے پر پاکستانی شخص کو سزا

دبئی : متحدہ عرب امارات میں خواتین سے بد تمیزی کرنے اور ہراساں کرنے پر عدالت نے پاکستانی شخص کو تین ماہ کے لیے جیل بھیج دیا۔

تفصیلات کے مطابق دبئی میں تفریح کی غرض سے آنے والے 28 سالہ پاکستانی کو ہارر ہاؤس میں دو اماراتی خواتین کو جنسی طور پر ہراساں کرنے پر عدالت نے جرم ثابت ہونے پر پاکستانی شخص کو تین ماہ کی قید سنادی ہے۔


دبئی: پاؤں سے بدبو آنے پر پاکستانی نے ہم وطن کو قتل کردیا


ذرائع کے مطابق دونوں خواتین نے البرشا تھانے میں مذکورہ شخص کے خلاف 24 ستمبر 2016 کو جنسی طور پر ہراساں کرنے پر ایف آئی آر درج کرائی تھی جس پر پولیس نے پاکستانی شخص کو حراست میں لےکر تحقیقات کا آغاز کردیا تھا۔

دورانِ سماعت خواتین نے عدالت میں بیان ریکارڈ کرواتے ہوئے کہا کہ ایک تفریح گاہ کے ’’بھوت بنگلہ‘‘ میں اندھیرے کا فائدہ اُٹھاتے ہوئے ملزم نے نہ صرف یہ کہ خواتین کے ساتھ بدتمیزی کی بلکہ جنسی طور پر ہراساں کرنے کی کوشش بھی کی۔

پچیس اور اٹھائیس سالہ خواتین نے موقف اختیار کیا کہ مذکورہ شخص تفریح گاہ میں داخل ہونے سے لے کر اختتام تک ان کا پیچھا کرتا رہا اور ’’بھوت بنگلہ‘‘ میں اندھیرے کا فائدہ اٹھاتے ہوئے اپنے مذموم مقاصد میں کامیاب ہوا اس لیے مقدمہ درج کروایا امید ہے عدالت انصاف دے گی۔

پولیس کی جانب سے عدالت میں تفریح گاہ سے حاصل کردہ سی سی ٹی وی فوٹیجز بھی پیش کی گئی جس میں واضح طور پر دیکھا جا سکتا ہے کہ ملزم تفریح گاہ کے مرکزی دروازے سے ہی خواتین کا پیچھا کرنے لگا تھا اور تفریح گاہ کے اندر بھی ملزم خواتین کا تعاقب کرتے نظر آیا۔

یہ بھی پڑھیں: دبئی: پاکستانی شہری نے بیوی سے بات کرنے پر ہم وطن کو قتل کردیا

عدالت نے خواتین کے بیانات ، ملزم کے بیان،گواہان، سی سی ٹی وی فوٹیجز اور پولیس کی جانب سے جمع کرائی گئی تفتیشی رپورٹ کی روشنی میں ملزم کو تین ماہ قید کی سزا سنائی جس کے بعد ملزم کو جیل منتقل کر دیا گیا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top