کراچی : پاکستان کے باکسر محمد وسیم دنیا کے نمبر ون باکسرز کی فہرست میں شامل ہوگئے، انہیں عالمی باکسنگ کونسل نے فلائی ویٹ کیٹیگری میں شامل کیا ہے۔
تفصیلات کے مطابق ورلڈ باکسنگ کونسل نے فلائی ویٹ کیٹیگری کی عالمی رینکنگ جاری کردی۔ رینکنگ کے مطابق پاکستان کے پروفیشنل باکسر محمد وسیم نمبر ون باکسرز میں شامل ہوگئے۔
اس کے علاوہ محمد وسیم اب ورلڈ ٹاٹئل فائٹ کھیلنے کیلئے بھی اہل ہوگئے ہیں۔ پاکستانی باکسر ستمبر میں جاپان کے ڈائیگو ہیگا سے ورلڈ ٹائٹل فائٹ لڑیں گے۔
عید الفطر کے بعد پانامہ میں محمد وسیم کی ٹریننگ کے ساتھ دو فائٹس بھی ہوں گی، پاکستانی پروفیشنل باکسر محمد وسیم ڈبلیو بی سی سلور فلائٹ ویٹ چیمپئین ہیں۔
محمد وسیم کے کورین پروموٹر اینڈی کم کا کہنا ہے کہ محمد وسیم کافی محنتی اور نڈر باکسر ہے جو کسی کا سامنا کر نے سے کبھی گھبراتا نہیں ہے، واضح رہے کہ محمد وسیم اب تک ہونے والی پانچ فائٹس میں ناقابل شکست ہیں۔