بھارت کے حملے کے بعد پاکستانی کرکٹرز بھی پاک فوج کی سپورت میں کھڑے ہوگئے۔
سوشل میڈیا جاری ویڈیو پیغام میں شاہین شاہ آفریدی، فخر زمان، عبداللہ شفیق نے ویڈیو پیغام میں کہا کہ ہمیں اپنی فوج سے محبت ہے اور ہمیں ان پر فخر ہے۔
قومی کرکٹرز نے پاکستان زندہ باد کا نعرہ بھی لگایا۔
سابق کرکٹر محمد حفیظ نے لکھا کہ بھارت کی جانب سے بزدلانہ اور غیر قانونی حملے شرمناک فعل میں ۔بدل گئے۔ ہم بحیثیت قوم اپنے پیارے مادر وطن کے دفاع کے لیے متحد ہیں۔ پاکستان زندہ باد
دوسری جانب شوبز شخصیات نے بھارتی حملے کو شرمناک اقدام قرار دیتے ہوئے اس کی سخت مذمت کی اور معصوم جانوں کے ضیاع پر انتہائی دکھ کا اظہار کیا۔
ماہرہ خان نے انسٹاگرام پر لکھا کہ یہ واقعی بزدلی ہے، اللہ ہمارے ملک کی حفاظت فرمائے، آمین۔
یہ پڑھیں: شوبز شخصیات کا بھارت کے بزدلانہ حملے پر سخت ردعمل
ماورا حسین کا کہنا تھا کہ ہم اس وقت کسی جنگی دشمن سے نہیں بلکہ انا اور مرکزی ذہنیت کے ساتھ پڑوسی سے لڑ رہے ہیں جو محض سیاسی مہم کیلیے پروپیگنڈا کرنا چاہتا ہے۔
یاسر حسین نے انسٹاگرام پر لکھا کہ بھارت کا نیا نام ’بزدل بھارت‘ ہے، مودی کیلیے نیا نام آپ لوگ تجویز کریں۔
پاک بھارت کشیدگی سے متعلق تمام خبریں
درفشاں سلیم نے انسٹاگرام پر پاکستان کے قومی ترانے کی ویڈیو اپلوڈ کر کے بلند حوصلے کا اظہار کیا اور لکھا کہ پاکستان ہمیشہ قائم رہے گا، ان شاء اللہ۔
