سڈنی: آسٹریلیا کے وزیراعظم میلکم ٹرنبال کی جانب سے پاکستان اور آسٹریلیا کی کرکٹ ٹیموں کے اعزاز میں ایک تقریب کا اہتمام کیاگیا جس میں کھلاڑیوں کے علاوہ اُن کی بیگمات اور بچوں نے بھی شرکت کی۔
تفصیلات کے مطابق آسٹریلوی وزیر اعظم کی جانب سے دی جانے والی خصوصی تقریب میں قومی کرکٹ ٹیم کے کپتان مصباح الحق کے علاوہ ہیڈ کوچ مکی آرتھر، ٹیم انتظامیہ اور آسٹریلوی کھلاڑیوں سمیت اُن کے اہل خانہ نے بھی شرکت کی۔
اس موقع پر آسٹریلوی وزیراعظم نے کھلاڑیوں سے تمام کھلاڑیوں سے فرداً فرداً ملاقاتیں کیں اور اُن کے ساتھ یادگار تصاویر بھی بنوائیں، پرتکلف ظہرانے میں اسکواڈ کے تمام کھلاڑیوں نے شرکت کی۔
پاکستان اور آسٹریلیا کی ٹیموں کے درمیان ٹیسٹ سیریز کا تیسرا میچ 3 جنوری سے سڈنی میں کھیلا جائے گا جبکہ آسٹریلیا نے ابتدائی دو مچوں می کامیابی حاصل کرکے سیریز اپنے نام کرلی ہے۔
پاکستان اور آسٹریلیا کی ٹیموں کے مابین میلبرن میں کھیلے گئے دوسرے ٹیسٹ میں پاکستان ٹیم کے نائب کپتان نے تاریخی بلے بازی کرتے ہوئے آسٹریلیا کی سرزمین میں پہلی ڈبل سنچری اسکور کی تھی۔
اظہر نے ڈبل سینچری اسکور کر کے پاکستان کے پہلے بلے باز ہونے کا اعزاز بھی اپنے نام کیا جبکہ دوسری اننگز میں 43 رنز بنائے تھے لیکن میچ کے آخری روز ڈرامائی شکست سے ٹیم کو نہ بچا سکے جس کے نتیجے میں آسٹریلیا نے میچ کے ساتھ ساتھ سیریز بھی جیت لی۔
