اسلام آباد: ڈپٹی اسپیکر قومی اسمبلی قاسم سوری کا کہنا ہے کہ الحمدللہ معاشی محاذ پر پاکستان کے لیے بہت سی مثبت خبریں سامنے آرہی ہیں۔
تفصیلات کے مطابق قاسم سوری نے سماجی رابطے کی ویب سائٹ ٹوئٹر پر اپنے بیان میں کہا کہ وزیراعظم عمران خان کی قیادت میں پاکستانی معیشت آخر کار صحیح سمت میں گامزن ہوگئی ہے۔
انہوں نے کہا کہ موجودہ کھاتہ اکتوبر 2019 میں 4 سال میں پہلی بار سرپلس میں تبدیل ہوا۔
خیال رہے کہ حکومت کے مؤثر معاشی اقدامات کے باعث پاکستان کا کرنٹ اکاؤنٹ سرپلس ہوگیا ہے ، اس حوالے سے ترجمان اسٹیٹ بینک آف پاکستان کا کہنا تھا کہ پاکستان کا کرنٹ اکاؤنٹ ساڑھے 4سال بعد سر پلس ہوا، اکتوبر میں کرنٹ اکاؤنٹ 9 کروڑ 90 لاکھ ڈالرسرپلس رہا۔
الحمدللہ معاشی محاذ پر پاکستان کے لیے بہت ساری مثبت خبریں۔
وزیراعظم عمران خان کی زیرِ قیادت پاکستانی معیشت آخر کار صحیح سمت میں گامزن۔ حکومت کی درست معاشی اصلاحات کی وجہ سے پاکستان کا موجودہ کھاتہ اکتوبر 2019 میں 4 سالوں میں پہلی بار سرپلس میں تبدیل ہو گیا ہے۔ #NayaPakistan
— Qasim Khan Suri (@QasimKhanSuri) November 19, 2019
ادھر وزیراعظم عمران خان کا ٹوئٹر پر اپنے بیان میں کہنا ہے کہ اکتوبر میں پاکستان کےجاری کھاتےسر پلس ہوگئے، ہماری معاشی اصلاحات کا پھل ملنا شروع ہوگیا ہے، پاکستانی معیشت درست سمت میں جارہی ہے۔
ہماری معاشی اصلاحات کا پھل ملنا شروع ہوگیا، وزیراعظم عمران خان
انہوں نے یہ بھی کہا کہ کھاتوں کا یہ سر پلس 4 سال میں پہلی بار آیا ہے، جاری کھاتے 9 کروڑ 90 لاکھ ڈالر سر پلس رہے، گزشتہ سال اکتوبر میں جاری کھاتوں میں 1ارب 28 کروڑ ڈالر کا خسارہ تھا۔
