نیویارک: اقوام متحدہ میں پاکستان کے مستقل مندوب منیر اکرم نے افغانستان صورت حال کو خطرناک قرار دیتے ہوئے عالمی برادری سے بڑی اپیل کردی ہے۔
تفصیلات کے مطابق اقوام متحدہ کی سیکیورٹی کونسل سے پاکستانی مندوب منیراکرم نے خطاب کرتے ہوئے افغانستان کی موجودہ صورت حال پر تفصیلی روشنی ڈالی، منیر اکرم نے کہا کہ افغانستان کو بیرونی امداد کی اشد ضرورت ہے، غیر یقینی صورت حال کے باعث لاکھوں افغان بھوک سے جنگ لڑ رہے ہیں۔
سیکیورٹی کونسل میں پاکستانی مندوب نے اس خدشے کا اظہار کیا کہ بیرونی امداد کےبغیر افغانستان ایک بار پھر غیر مستحکم ہوسکتاہے اور مہاجرین کا مسئلہ اور دہشت گردی پھرسےسراٹھاسکتےہیں۔
منیراکرم نے عالمی طاقتوں پر زور دیا کہ افغانستان کے منجمند اثاثوں کی فوری بحالی وقت کی اہم ضرورت ہے، افغانستان کےحوالےسےاقوام عالم کی تشویش سےآگاہ ہیں۔
We commend the leadership of SG @antonioguterres in mobilizing int'l support for the Afghan ppl & the critical help being provided by @OCHAAfg #UNHCR , @UNICEF @WHO & other @UN as well as int'l & non-governmental organizations, incl #ICRC : Amb Munir Akram #UNSC #Afghanistan pic.twitter.com/4QGejE4t54
— Permanent Mission of Pakistan to UN, NY (@PakistanUN_NY) January 26, 2022
گذشتہ روز اقوام متحدہ میں پاکستان کے مستقل مندوب منیر اکرم نے ایک بار پھر مقبوضہ کشمیر میں بھارتی ریاستی دہشت گردی کا پردہ چاک کیا تھا، اقوام متحدہ میں پاکستان کے مستقل مندوب نے جنوبی ایشیا میں دہشت گردی کی "ماں” بھارت کو قرار دیتے ہوئے کہا کہ بھارت مقبوضہ کشمیر کو ہندو اکثریتی علاقے میں تبدیل کرنا چاہتاہے، سلامتی کونسل مقبوضہ کشمیرمیں بھارتی فوج کے جرائم کانوٹس لے۔
منیراکرم نے کہا کہ مقبوضہ کشمیر میں پورے محلوں، شہری مراکز اور دیہاتوں کو تباہ کیا گیا، قابض بھارتی فوج 96 ہزار کشمیریوں کو قتل کرچکی ہے۔
