ممبئی: بھارت کا سفرکرنے والے ایک پاکستانی خاندان کو ممبئی میں باقاعدہ ویزے ہونے کے باوجود ہوٹل مالکان نے رہائش فراہم کرنے سےانکار کردیا۔
تفصیلات کے مطابق پاکستانی خاندان جس میں ایک ایک مرد، تین خواتین اور ایک لڑکا شامل ہے جودھ پورسے ممبئی حضرت حاجی علی کی درگاہ پرحاضری دینے کے بعد ممبئی میں شدید مشکلات کا شکارہوگیا۔
بھارتی اخبار کے مطابق متاثرہ خاندان ک ارادہ درگاہ پرحاضری کے بعد بھارتی اداکارسلمان خان سے ملاقات کرنے کی کوشش کا تھا جس کےسبب انہوں نے ایک دن مزید ممبئی میں قیام کا فیصلہ کیا۔
اس خاندان پر ممبئی شہر کا اصل چہرہ اس وقت کھلا جب کسی بھی ہوٹل مالک نے انہیں رہائش فراہم نہیں کی اور ایک ہی موقف اختیار کیا کہ وہ پاکستانی ہیں لہذا انہیں رہائش فراہم نہیں کی جاسکتی۔
متاثرہ خاندان نے جودھ پورواپس جانے کا ارادہ کیا تو انہوں معلوم ہوا کہ رات میں جودھ پور کے لئے کوئی ٹرین نہیں ہے۔
مجبوراً اس متاثرہ خاندان نے وہ رات مجبوراً ممبئی کی ایک فٹ پاتھ پرگزاری اور اگلی صبح اپنے رشتے داروں کے پاس جودھ پور لوٹ گئے۔