لندن : پاکستانی خاتون ثنا فاروق کو گوگل کے اشتراک سے شروع ہونے والے بلیک باکس انٹر پرینیورشپ پروگرام کے لیے منتخب کرلیا گیا ہے جہاں وہ اپنے ادارے کے مختلف کورسز کو متعارف کرائیں گی۔
تفصیلات کے مطابق گوگل کے اشتراک سے شروع ہونے والے بلیک باکس انٹر پرینیورشپ پروگرام کے لیے پاکستانی نژاد برطانوی خاتون ثنا فاروق کو منتخب کرلیا گیا ہے۔
ثنا فاروق آن لائن کورسز کروانے والے ادارے ای-لرننگ نیٹ ورک کی بانی اور سی ای او بھی ہیں اور پاکستان سے تعلق رکھنے والی پہلی خاتون ہیں جنہیں یہ اعزازحاصل ہوا جب کہ اس پروگرام کے لیے دنیا بھر سے 15 خواتین کا انتخاب کیا گیا ہے۔
ثنا فاروق دنیا بھر سے منتخب کردہ 15 خواتین میں واحد پاکستانی خاتون ہیں جو گوگل کے اشتراک سے بلیک باکس کنیکٹ پروگرام کے لیے سیلیکون ویلی جائیں گی جہاں وہ اپنے ادارے میں ہونے والے مختلف کورسز سے آگاہ کریں گی۔
واضح رہے بلیک باکس کنیکٹ دو ہفتے پر مشتمل پروگرام ہے جس کے لیے شرکاء اپنے انفارمیشن ٹیکنالوجی کے حوالے سے اپنی خدمات اور پروڈکٹس کو دنیا کے سامنے پیش کر سکیں گے اور اپنے اپنے پروگرامز کی ترویج کرپائیں گے جس کی ابتدا کے لیے ایک مضبوط پلیٹ فارم مہیا کیا گیا ہے۔
اس پروگرام کا آغاز 15 مئی سے ہوگا اور 26 تک جاری رہے گا جس میں ثنا فاروق اپنے ادراے ای ایل این میں ہونے والے مختلف کورسز کو متعارف کروائیں گی ۔
