The news is by your side.

Advertisement

یوم پاکستان: مقبوضہ وادی میں وزیراعظم اور آرمی چیف کی تصاویر آویزاں

سری نگر: کشمیریوں نے ایک بار پاکستان سے والہانہ عقیدت کا اظہار کیا ہے اور یوم پاکستان کے موقع پر مقبوضہ وادی میں پاکستان پرچم لہرا کر اپنے عزائم ظاہر کردئیے ہیں۔

کشمیر میڈیا سروس کے مطابق یوم پاکستان پرمقبوضہ کشمیر میں قائدا عظم محمد علی جناح ، وزیراعظم عمران خان اور آرمی چیف کے پوسٹرز چسپاں کردئیے گئے ہیں۔

یہی نہیں یوم پاکستان کے حوالے سے حریت رہنماؤں کی جانب سے پاکستانی عوام کو مبارکباد کے پیغام دیئے گئے ہیں۔

مقبوضہ وادی میں سبز ہلالی پرچم لہرانے کا یہ پہلا واقعہ نہیں ہے، بھارتی ظلم وستم سے تنگ کشمیری نوجوان آئے روز مقبوضہ وادی میں پاکستانی پرچم لہراتے رہتے ہیں اور بھارتی فوج کو للکارتے رہتے ہیں۔

گذشتہ سال یوم پاکستان کے موقع پر مقبوضہ کشمیر میں پاکستانی جھنڈا لہرا یا گیا تھا، آسیہ اندرابی اور ان کے ساتھیوں نے سرینگر کے مختلف علاقوں میں پاکستانی پرچم لہرائے، پاکستان کا قومی ترانہ بھی باآواز بلند پڑھا تھا۔

Comments

یہ بھی پڑھیں