اسلام آباد: حکومت پاکستان نے ملک میں بھارتی مداخلت کا معاملہ اقوام متحدہ میں پیش کرنے کا فیصلہ کرلیا، وزیراعظم کلبھوشن یادیو کی گرفتاری سمیت مداخلت کے دیگر شواہد جلد اقوام متحدہ کے اجلاس میں پیش کریں گے۔
نمائندہ اسلام آباد اظہر فاروق کے مطابق حکومت نے ملک میں بھارتی مداخلت کا معاملہ شواہد کے ساتھ اقوام متحدہ کے اجلاس میں پیش کرنے کا فیصلہ کیا ہے۔
اطلاعات ہیں کہ اس حوالے سے وزیراعظم نواز شریف مداخلت کی تمام دستاویزات، بھارتی حاضر سروس افسر کلبھوشن یادیو کی گرفتاری کا معاملہ سمیت تمام شواہد پیش کریں گے۔
مقدمہ اقوام متحدہ کی سلامتی کونسل کے اجلاس میں پیش کرنے کے لیے تیاری جاری ہے، اس ضمن میں وزارت خارجہ نے وزیراعظم سیکریٹریٹ سے رابطہ کیا ہے اور جلد دستاویزات اور شواہد وزیر اعظم کے حوالے کیے جائیں گے جن میں وزیراعظم سے کلبھوشن یادیو کے معاملے پر خصوصی بات چیت کی جائے گی۔
ذرائع کا کہنا ہے کہ وزیراعظم سلامتی کونسل کے اجلاس میں بھارتی مداخلت کے ثبوت کے ساتھ ساتھ کشمیر میں بھارتی جارحیت کا معاملہ بھی اٹھائیں گے۔
