The news is by your side.

Advertisement

پاکستان کے عمران ہاشمی سے ملیں

کہا جاتا ہے دنیا گول ہے جہاں ایسے ایسے واقعات رونما ہوتے ہیں کہ عقل دنگ رہ جاتی ہے اب یہی دیکھ لیں کہ جڑواں بھائی یا جڑواں بہن تو ایک دوسرے سے مکمل مشابہت رکھتے ہی ہیں لیکن حیران کن امر ہے کہ دنیا کے اس کنارے کوئی ایسا شخص بھی موجود ہے جو بالکل ہو بہو آپ جیسا ہی ہوں حالانکہ دور تک اُس کا آپ سے کوئی رشتہ نہ تعلق ہوگا۔

بالی وڈ کی جگمگاتی دنیا کے روشن ستاروں کے انداز، لباس، ہیئر اسٹائل حتی کے ڈائیلاگ کو اپنانے والے تو بہت ہیں مگر ایسے خوش قسمت بھی موجود ہیں جن پر قدرت کی دیوی کچھ یوں مہربان ہوئی کہ ناک نقشہ ہی کسی ہیرو یا ہیروئن کا دے ڈالا اور قدرت کی اس فیاضی کے باعث وہ معمولی شخص شہرت کی بلندیوں پر پہنچ گیا۔

عمران ہاشمی اپنی مخصوص مسکراہٹ اور رومانیت بھری اداکاری کے باعث انڈین فلموں کے مقبول ترین ہیرو ہیں جن کی شہرت کی دھوم دنیا کے کونے کونے میں مچی ہوئی ہے جہاں خوبصورت حسینائیں اپنے دل تھامے ان کی ایک مسکراہٹ کی منتظر رہتی ہیں اور ہزاروں نوجوانوں کے وہ آئیڈیل ہیں۔

پاکستان سے تعلق رکھنے والے ایک نوجوان کی تصاویر نے سوشل میڈیا پر دھوم مچا دی ہے اور محض ایک دن میں لاکھوں افراد نے اِسے دیکھا اور پسند کیا جب کہ ہزاروں لوگوں نے ان تصاویر کو اپنی وال پر شیئر کیا ان تصاویر کی خاص بات نوجوان کا ہو بہو عمران ہاشمی ہونا تھا۔

یہ نامعلوم جوان جس کا تعارف اب تک دستیاب نہیں عمران ہاشمی کے ناک نقشہ سے بہت قریبی مشابہت رکھتا ہے وہی ماتھا، ویسی ہی مسکراہٹ، اسی طرح کی آنکھیں اور اس جیسی ناک نے نوجوان کو کس قدر مشابہ کردیا ہے کہ گماں ہوتا ہے کہ یہی عمران ہاشمنی ہے یا کم از کم اُن کا کوئی جڑواں بھائی ضرور ہے۔

ایک ہی دن میں سوشل میڈیا میں مقبول ہونے والےعمران ہاشمی کی اس فوٹو کاپی کے بارے میں زیادہ زیادہ سے لوگ جاننا چاہتے ہیں تاہم اس کے لیے کچھ وقت انتظار کرنا ہوگا اور لگتا ہے یہ نوجوان بھی دھماکے دار انٹری دینے کے لیے تیاریوں میں مصروف ہے۔

Print Friendly, PDF & Email

Comments

comments

یہ بھی پڑھیں