سندھ کے دوسرے بڑے شہر حیدرآباد میں متعدد بین الاقوامی کرکٹ میچز کی میزبانی کا اعزاز حاصل کرنے والا اسٹیڈیم تباہی کے دہانے پر پہنچ گیا۔
نمائندہ اے آر وائی نیوز کے مطابق پاکستان کا تیسرا پرانا انٹرنیشنل اسٹیڈیم انتظامیہ کی غفلت اور مسلسل نظر اندازی کی وجہ سے زبوں حالی کا شکار ہوگیا ہے۔
اسٹیڈیم کے مرکزی دروازے پر مٹی اور کچرے کا ڈھیر موجود ہے جبکہ وہاں موجود مین ہولز کوڑا کرکٹ سے بھر چکے ہیں۔ اسٹیڈیم کے اطراف ملبہ پڑا ہوا ہے جبکہ ایک شاہراہ کی تعمیر کئی عرصے سے مکمل نہیں ہوسکی جس کی وجہ سے سڑک کھنڈر کا منظر پیش کررہی ہے۔
This report will tell you how Pakistani international stadiums are destroying….. here is Niaz Stadium Hayderabad the host of 5 Test & 7 ODIs including WorldCup match.
ٹیسٹ 7ون ڈے انٹرنیشنل کا میزبان نیاز اسٹیڈیم تباہ pic.twitter.com/zFYt0juCSY— Shoaib Jatt (@Shoaib_Jatt) March 31, 2021
اسٹیڈیم میں شائقین کی سہولت کیلئے بنائے جانے والے انکلوژر اور باتھ روم بھی مکمل تباہ ہوچکے ہیں، اسٹیڈیم کی حفاظت کے لیے سیکیورٹی اہلکار یا چوکیدار تعینات نہیں ہے۔
حیدرآباد کے عوام نے صوبائی حکومت اور وزیربلدیات سے بارہا مطالبہ کیا کہ وہ نیاز اسٹیڈیم کی تباہ حالی کا نوٹس لے کر اس کی تعمیر و مرمت کا دوبارہ آغاز کریں تاکہ حیدرآباد کے واحد تاریخی اسٹیڈیم جہاں دنیائے کرکٹ کی پہلی ہیٹ ٹرک اور کئی ریکارڈز بنے اُس کی رونقیں بحال ہوسکیں۔
نیاز اسٹیڈیم حیدرآباد میں پانچ بین الاقوامی ٹیسٹ اور 7 ون ڈے انٹرنیشنل میچز کا انعقاد ہوچکا ہے، جن میں ورلڈکپ کے میچز بھی شامل ہیں۔