ابوظبی : اماراتی ریاست راس الخیمہ میں اندوہناک ٹریفک حادثہ پیش آیا جس کے نتیجے میں پاکستانی نوجوان جاں بحق ہوگیا۔
اماراتی خبر رساں ادارے کی رپورٹ کے مطابق متحدہ عرب امارات کی ریاست راس الخیمہ میں ایک روز قبل سڑک پر اندوہناک حادثہ پیش آیا، جس کے نتیجے میں 35 سالہ محمد عرفان جان کی بازی ہار گیا۔
مقامی خبر رساں ادارے کا کہنا ہے کہ پولیس اور ریسکیوں عملے نے فوری طور پر متاثرہ شخص کو شدید زخمی حالت میں سخر اسپتال منتقل کیا تاہم وہ زخموں کی تاب نہ لاتے ہوئے جاں بحق ہوگیا۔
اماراتی میڈیا کا کہنا ہے کہ ڈاکٹرز نے محمد عرفان کو بچانے کی بہت کی لیکن گہرے زخموں اور پورے جسم کی ہڈیاں ٹوٹنے کے باعث وہ جانبر نہ ہوسکا۔
ڈاکٹرز کا کہنا تھا کہ محمد عرفان کی موت سر کی ہڈی ٹوٹنے اور بہت زیادہ خون بہنے کی وجہ سے ہوئی۔
مقامی خبر رساں ادارے کا کہنا تھا کہ رواں ماہ راس الخیمہ میں ہی 26 سالہ اماراتی شہری کی تیز کار کی ٹکر سے 57 سالہ ایشیائی شہری ہلاک ہوا تھا۔
اماراتی پولیس نے وارننگ جاری کی ہے کہ کار سوار افراد متحدہ عرب امارات کے قانون کے آرٹیکل 43 کے تحت پیدل سفر کرنے افراد کو ترجیج دیں گے، خلاف ورزی کی صورت میں ڈرائیور جو 500 درہم جرمانہ اور چھ بلیک پوائنٹ دئیے جائیں گے۔
