ہنگری میں ایک پاکستانی پناہ گزین پولیس سے فرار ہونے کی کوشش میں جاں بحق ہوگیا۔
ہنگری میں پناہ گزینوں کا معاملہ روز بروزسنگین ہوتا جارہا ہے ، شامی سرحد کے نزدیک واقع ’روسزکے کیمپ‘ میں ہنگری کی پولیس اور 300 پناہ گزینوں کے درمیان جھڑپ ہوگئی۔
صورتحال اس وقت گھمبیر ہوگئی جب پولیس نے آنسو گیس کے شیل فائر کئے اور پناہ گزینوں میں بھگڈرمچ گئی اور اسی دوران ایک پاکستانی شخص نے بھاگنے کی کوشش کی جس کے نتیجے میں وہ ریلوے ٹریک پر جاگرا اور جاں بحق ہوگیا۔
اس افسوسناک سانحے کی تصدیق اسکائی نیوز نے اپنے ٹویٹ میں بھی کردی ہے۔
Update – State television in #Hungary is reporting that a Pakistani migrant has died after falling on train tracks while fleeing police
— Sky News Newsdesk (@SkyNewsBreak) September 4, 2015
اقوام متحدہ کے مطابق پاکستان پناہ گزینوں کی سب سے بڑی تعداد کی کفالت کرنے والا ملک ہے جہاں 1 کروڑ 60 لاکھ مہاجرین موجود ہیں جن میں سے زیادہ تر کا تعلق افغانستان سے ہے۔
