اسلام آباد : وفاقی دارلحکومت میں پاکستانی نژاد غیر ملکی ڈکیتی مزاحمت پر زخمی ہوگیا، متاثرہ غیرملکی شہری نے بیگ ، فون چھیننے پر مزاحمت کی جس پر ملزمان نے فائرنگ کی۔
تفصیلات کے مطابق اسلام آباد کے علاقے تھانہ آبپارہ کی حدود میں پاکستانی نژادغیرملکی دوران واردات مزاحمت پر زخمی ہوگیا، غیر ملکی شہری کے ساتھ ڈکیتی کا واقعہ رات کو پیش آیا۔
پولیس نے ڈکیتی کی دفعات پرمقدمہ درج کرلیا تاہم ملزمان گرفتارنہ ہوسکے، ایف آئی آر میں کہا گیا ہے کہ شہری کو تین مسلح موٹر سائیکل سواروں نے روک لیا، مسلح ملزمان نے گن پوائنٹ پر دوست سے موبائل چھینا۔
- Advertisement -
مقدمے کے متن میں کہا ہے کہ متاثرہ غیرملکی شہری نے بیگ ، فون چھیننے پرمزاحمت کی جس پر ملزمان نے فائرنگ کی، ملزمان فائرنگ کے بعد فرار ہو گئے تاہم پولیس نے زخمی شہری کو اسپتال منتقل کر دیا ہے۔
