The news is by your side.

Advertisement

پاکستانی خاتون سائنسداں کا بڑا اعزاز، امریکی یونیورسٹی میں پہلی خاتون ڈین مقرر

واشنگٹن : معروف امریکی یونیورسٹی نے پاکستانی سائنس داں خاتون کا بطور ڈین تقرر کردیا، نرگس ماولوالا پہلی پاکستانی خاتون ہیں جنہیں امریکی یونیورسٹی میں ڈین مقرر کیا گیا ہے۔

غیر ملکی خبر رساں ادارے کی رپورٹ کے مطابق امریکی ریاست میساچوسٹس میں واقع سائنسی علوم پر ریسرچ کرنے والی یونیورسٹی ایم آئی ٹی نے اپنے اسکول آف سائنس کی ڈین ایک پاکستانی خاتون سائنس داں کو مقرر کیا ہے۔

میڈیا رپورٹس میں بتایا گیا ہے کہ میساچوسٹس انسٹیٹیوٹ آف ٹیکنالوجی نے تاریخ میں پہلی مرتبہ کسی خاتون کو اسکول آف سائنس کا ڈین مقرر کیا ہے اور یہ اعزاز پاکستانی خاتون سائنس داں کو حاصل ہوا۔

نرگس ماولوالا کی عالمی شہرت یافتہ ریسرچ جامعہ میں تقرری تمام پاکستانی خواتین کےلیے ایک مثال ہے۔

52 سالہ پاکستانی خاتون نے ابتدائی تعلیم شہر قائد سے مکمل کرنے بعد ہائیر ایجوکیشن کےلیے 1986 میں امریکا کا رخ کیا تھا۔

امریکا پہنچنے کے بعد نرگس ماولوالا نے علوم فلکیات میں بیچلرز کی ڈگری حاصل کی اور ایم آئی ٹی یونیورسٹی سے طبیعیات سے ڈاکٹریٹ کیا۔

پاکستانی خاتون سائنس داں نے تعلیم مکمل ہونے کے بعد اسی ادارے میں بطور ٹیچر پڑھانا شروع کردیا لیکن کامیابی کی منازل کشش ثقل کی لہروں کا پتہ لگانے والی پروٹو ٹائپ لیزر انٹرفرومیٹر کی تخلیق کے بعد طے ہونا شروع ہوئیں اور انہیں عالمی سطح پر شہرت ملنے لگی۔

واضح رہے کہ یونیورسٹیوں کی عالمی رینکنگ میں میساچوسٹس اسٹیٹیوٹ آف ٹیکنالوجی (ایم آئی ٹی) کئی برس سے پہلی پوزیشن پر موجود ہے جبکہ یونیورسٹی آف اسٹینڈفورڈ دوسرے، ہاروڈ یونیورٹی تیسرے اور آکسفورڈ یونیورسٹی چوتھے نمبر پر موجود ہیں۔

Comments

یہ بھی پڑھیں