لاہور : پاکستانی طالبعلم کو پرتگال میں قتل کردیا گیا، اہلخانہ نے حکومت سے میت جلد پاکستان لانے اور انصاف کی اپیل کردی ہے۔

تفصیلات کے مطابق لاہور کے رہائشی نوجوان طالبعلم کوڈاکوؤں نے پرتگال میں قتل کردیا۔

اہلخانہ نے بتایا کہ انتھونی شوکت پرتگال کینسر ریسرچ پراجیکٹ کیلئےگیا تھا، ڈاکوؤں نےموبائل،نقدی،موبائل لوٹا اور قتل کیا۔

اہلخانہ نے مزید کہا کہ انتھونی شوکت نےسوئیڈن سے ماسٹر ،جرمنی سےپی ایچ ڈی کی تھی، اسے تشدد کے بعد قتل کیا گیا

مقتول نوجوان کے اہلخانہ نے حکومت سے میت جلد پاکستان لانے اور انصاف کی اپیل کردی ہے۔

پاکستان میں شوکت کے دوستوں اور ساتھی مسیحی برادری نے اس سانحے پر غم کا اظہار کرتے ہوئے سوشل میڈیا پوسٹس کے ذریعے سوگ کا اظہار کیا۔

Comments