دبئی میں موجود پاکستانی ٹیکسی ڈرائیور نے بھارتی گلوکار راہول ویدیا کا دل جیت لیا۔
بھارتی میڈیا رپورٹس کے مطابق بگ باس 15 میں شرکت کرنے والے بھارتی گلوکار راہول ویدیا نے گزشتہ روز انسٹاگرام پر ایک تصویر شیئر کی جس میں ان کے ساتھ ایک نوجوان کھڑا اور دونوں خوش گوار موڈ میں دکھائی دے رہے ہیں۔
راہول ویدیا نے اپنی پوسٹ کے کیپشن میں لکھا کہ ’یہ ٹیکسی ڈرائیور پاکستان سے تعلق رکھتا ہے اور اس نے مجھ سے کرایہ وصول کرنے سے معذرت کرلی۔
پاکستانی ڈرائیور نے راہول ویدیا کو بتایا کہ وہ بگ باس 15 کو شوق سے دیکھتا ہے اور ان کا مداح ہے اس لیے اس سے کرایہ وصول نہیں کرسکتا۔
بھارتی گلوکار نے بتایا کہ یہ سن کر مجھے بہت خوششی ہوئی کہ پاکستانی لوگ بھی مجھ سے پیار کرتے ہیں۔
View this post on Instagram
راہول نے کہا کہ میں نے بہت مشکل سے اسے سمجھایا اسے اس کی محنت کے دگنے پیسے دیے اور اس کا شکریہ بھی ادا کیا۔
واضح رہے کہ راہول ویدیا نے گلوکاری کا آغاز بھارتی سنگنگ شو ’انڈین آئیڈل‘ سے کیا تھا۔
بھارتی گلوکار نے اس کے علاوہ شوز بگ باس اور خطروں کے کھلاڑی میں بھی حصہ لیا، راہول کی شادی گزشتہ سال اداکارہ دیشا پرمار سے ہوئی تھی۔
