نیویارک : امریکی شہر نیویارک میں پاکستانی ٹیکسی ڈرائیور پر راہ چلتے پانچ افراد نے وحشیانہ تشدد کیا تاہم پولیس نے دو افراد کو گرفتار کرنے کے بعد رہا کردیا۔
تفصیلات کے مطابق امریکی شہر نیویارک میں دن بہ دن جرائم میں اضافہ ہورہا ہے، پاکستانی ٹیکسی ڈرائیور کو راہ چلتے افراد نے وحشیانہ تشدد کا نشانہ بنایا۔
ساٹھ سالہ افضل بٹ ٹیکسی صاف کر رہے تھے کہ اچانک تین خواتین اور دو لڑکوں نے بلا وجہ بحث کی اور تشدد کیا، مصروف ترین شاہراہ پر سرعام غنڈہ گردی اور مار پیٹ کرنے والوں کو کسی نہیں روکا۔
Just another day in NYC….
A group of thugs beat up a 60 year old taxi cab driver in Manhattan in broad daylight.
Last year a 52 year old NYC cab driver was beaten to death by a group of teens. pic.twitter.com/v9SQAkCWcN— Leftism (@LeftismForU) July 28, 2023
واقعے کی ویڈیو بھی وائرل ہوگئی ، ویڈیو میں دیکھا جاسکتا ہے کہ پاکستانی ڈارئیور کو بےرحمی سے پیٹا گیا جس سے ان کے سر ، آنکھ ،گردن اور سینے پر چوٹ آئی۔
پولیس نے دو افراد کو گرفتار کرنے کے بعد جرمانہ عائد کیا اور رہا کردیا، جس پر افضل بٹ نے غصے کا اظہار کیا اور نیویارک کے مئیر کو تنقید کا نشانہ بنایا۔
