میڈرڈ: پاکستانی ٹیکسی ڈرائیور نے کرونا وائرس کے دوران اسپین میں طبی عملے کو مفت سواری کی خدمات فراہم کرکے خدمت کی اعلیٰ مثال قائم کردی۔
غیرملکی خبررساں ادارے کی رپورٹ کے مطابق پاکستانی ٹیکسی ڈرائیور یورپی ملک سے کرونا وائرس سے لڑنے والے فرنٹ لائن ڈاکٹرز اور نرسوں کو بلامعاوضہ سواری فراہم کررہے ہیں۔
محمد شہباز کھٹانہ بارسلونا میں ایک ٹیکسی ڈرائیور ہیں اور ان کا کہنا ہے کہ ہم ایسے تمام ڈاکٹرز کو مفت سواری مہیا کررہے ہیں جو اس وبائی مرض میں مریضوں کے علاج کے لیے کام کررہے ہم ان کو گھر سے اسپتال اور اسپتال سے گھر تک مفت سواری فراہم کررہے ہیں۔
پاکستانی اداکارہ نادیہ جمیل نے ٹویٹر پر ایک کلپ شیئر کیا جس میں دیکھا جاسکتا ہے کہ کیسے پاکستانی ڈرائیور فرنٹ لائن سولجرز کی خدمت کررہے ہیں اور ان کو منزل مقصود تک پہنچا رہے ہیں۔
Pakistani Taxi Drivers in Barcelona giving free taxi service to all Corners Nurses and Medical Staff. They wait outside the hospitals for them. Respect to all medic staff and all those supporting them during these difficult times.
May we all heal and stay safe. InshaAllah ♥️ pic.twitter.com/O3uGBCVKl3— Nadia Jamil (@NJLahori) March 27, 2020
اسلام آباد میں اسپین کے سفارتخانے کے آفیشل اکاؤنٹ کے ساتھ ایک ویڈیو کلپ شیئر کی گئی جس میں لکھا کہ ’بارسلونا اور دیگر شہروں میں 150 سے زیادہ پاکستانی ٹیکسی ڈرائیورز علاج معالجہ کرنے والے طبی عملے کو مفت آمدورفت مہیا کررہے ہیں، کوویڈ 19 مریض اس خدمت کے لیے آپ کے شکر گزار ہیں۔
واضح رہے کہ اسپین میں کرونا وائرس سے ہلاکتوں کی تعداد 16 ہزار سے تجاوز کرچکی ہے اور وائرس سے متاثرہ افراد کی تعداد 158273 تک جاپہنچی ہے۔
Pakistani taxi drivers , more than 150, in Barcelona and other cities, are providing free transportation to medical staff treating COVID 19 patients.THANK YOU for this generous and noble initiative 🇪🇸🇵🇰 pic.twitter.com/rdAwDdZzpw
— Spain in Pakistan (@SpaininPakistan) March 27, 2020
