لاہور: پاکستان کے مایہ ناز امپائر علیم ڈار نے ون ڈے کرکٹ میں 210 میچ سپروائز کرکے ورلڈریکارڈ بنا لیا۔
تفصیلات کے مطابق عالمی شہرت یافتہ اور باصلاحیت امپائر علیم ڈار نے ایک اور بڑا اعزاز اپنے نام کرلیا، انہوں نے ون ڈے میں ریکارڈ210 میچ سپروائز کرکے عالمی ریکارڈ بنا لیا ہے۔
راولپنڈی میں پاکستان اور زمبابوے کے درمیان دوسرا ون ڈے علیم ڈار کے کیرئیرکا دو سو دسواں ون ڈے ہے۔ انہوں نے جنوبی افریقی امپائرروڈی کرٹزن کا دوسونو میچ سُپروائز کرنے کا عالمی ریکارڈ توڑا ہے۔
Aleem Dar was awarded a special memento to mark his record breaking 210th ODI appearance as an umpire, before the start of the #PAKvZIM 2nd ODI in Rawalpindi pic.twitter.com/DrTrYwbzih
— Pakistan Cricket (@TheRealPCB) November 1, 2020
علیم ڈار نے بڑا اعزاز حاصل کرنے پر پاکستان کرکٹ بورڈ کا بھی شکریہ ادا کیا۔ ان کا کہنا تھا کہ ریکارڈ بنانے پر بہت خوشی ہے۔ اہلخانہ، پی سی بی اور مداحوں کو شکریہ ادا کرتا ہوں، آپ کی سپورٹ کے بغیریہ کامیابی ناممکن تھی۔
اس سے قبل 12 دسمبر 2019 کو پاکستانی امپائر علیم ڈار ٹیسٹ کرکٹ میں سب سے زیادہ میچ سپروائز کرنے والے امپائر بنے تھے، علیم ڈار نے ویسٹ انڈیز کے اسٹیو بکنر کا سب سے زیادہ ٹیسٹ میچوں میں امپائرنگ کرنے کا ریکارڈ توڑ کر یہ اعزاز اپنے نام کیا تھا۔
واضح رہے کہ علیم ڈار تین مرتبہ آئی سی سی کے بہترین امپائر کا ایوارڈ بھی چیت چکے ہیں۔علیم ڈار کو سب سے زیادہ 46 ٹی ٹوینٹی میچز میں بھی ذمہ داریاں نبھانے کا اعزاز حاصل ہے۔
