ڈربن: پاکستان ویمنز کرکٹ ٹیم نے آئی سی سی ویمن چیمپئن شپ کا فاتحانہ آغاز کرتے ہوئے جنوبی افریقا ویمنز کرکٹ ٹیم کو باآسانی 8 وکٹوں سے شکست دے دی۔
تفصیلات کے مطابق پاکستانی ویمنز کرکٹ ٹیم نے ٹاس جیت کر پہلے بولنگ کا فیصلہ کیا اور جنوبی افریقا کی پوری ٹیم کو 63 رنز پر ڈھیر کردیا، ثنا میر نے چار، ندا ڈار اور نشرا سندھو نے دو، دو وکٹیں حاصل کیں۔
جنوبی افریقی ویمنز کرکٹ ٹیم کی صرف دو کھلاڑی ڈبل فگر میں داخل ہوسکیں، ایم ڈو پریز نے 18 اور سی ایل ٹریون نے 21 رنز بناسکیں۔
Player of the match @mir_sana05 interview after the first #SAWvPAKW ODI at Potchefstroom#BackOurGirls pic.twitter.com/PqU1HuU5HN
— Pakistan Cricket (@TheRealPCB) May 6, 2019
ہدف کے تعاقب میں قومی ٹیم کی اوپنر ناہیدہ خان 4 رنز بنا کر آؤٹ ہوئیں، سدرا امین 10 رنز بنا کر ایل بی ڈبلیو آؤٹ ہوئیں، جویریا خان اور بسمہ معروف نے بالترتیب ناقابل شکست 34 اور 12 رنز کی اننگز کھیلی۔
جنوبی افریقا کی جانب سے ایس اسماعیل اور ایم کیپ نے ایک، ایک وکٹ حاصل کی۔
ثنا میر کو میچ میں صرف 11 رنز دے کر چار وکٹیں حاصل کرنے پر میچ کی بہترین کھلاڑی قرار دیا گیا، قومی ویمنز ٹیم میں فاطمہ ثنا کو ڈٰیبیو کرایا گیا تھا انہیں ثنا میر نے کیپ پہنائی۔
Debutant Fatima Sana Khan interview after the first #SAWvPAKW ODI at Potchefstroom#BackOurGirls pic.twitter.com/lG1Odixwl7
— Pakistan Cricket (@TheRealPCB) May 6, 2019
وومن آف دی میچ ملنے پر آل راؤنڈر ثنا میر کا کہنا تھا کہ آئندہ بھی اسی طرح کی پرفارمنس کا مظاہرہ کروں گی، کوشش ہوتی ہے ٹیم کی جیت میں اہم کردار ادا کروں۔
