اسلام آباد : پاکستان میں 18 سال سے زائد عمر کے افراد کی کورونا ویکسینیشن کا آغاز کردیا گیا ، شہری 1166سے کوڈ حاصل کرنے کے بعد کسی بھی سینٹر سے ویکسین لگواسکتے ہیں۔
تفصیلات کے مطابق پاکستان میں آج سے 18 سال اور اس سے زائد عمر کے افراد کی کورونا ویکسینیشن شروع ہوگئی ہے، شہری کوویڈ ۔19 ویکسی نیشن کے لئے اپنا CNIC نمبر 1166 پر بھیج کرکوڈ حاصل کریں اور موصول او ٹی پی کے ساتھ ویکسی نیشن سنٹر جاکر ویکسی نیشن لگوائیں۔
دوسری جانب وفاقی وزیر اسدعمرنے سماجی رابطے کی ویب سائٹ ٹوئٹر پر اپنے پیغام میں کہا ہے کہ ویکسی نیشن ڈرائیومیں تیزی وفاق کی بھاری سرمایہ کاری سےممکن ہوئی، اب تک ویکسین کی خریداری تقریباً ایک ارب ڈالرکےچوتھائی تک پہنچ چکی ، اگلے سال مزید ویکسی نیشن کی خریداری پر زیادہ خرچ کریں گے۔
The acceleration of vaccination drive in the country being made possible by huge investment by the federal govt. So far the procurement of vaccine has reached nearly quarter of a billion dollars. Much more to be spent next year for the vaccines procurement
— Asad Umar (@Asad_Umar) June 3, 2021
یاد رہے این سی او سی کے سربراہ اسد عمر نے 19 سے زائد عمر کے افراد کیلئے ویکسینیشن کیلئے رجسٹریشن کا اعلان کرتے ہوئے کہا تھا کہ اب رجسٹریشن پوری قوم کیلئےہوگی جنہیں ماہرین صحت نےویکسین کیلئے منظور کرلیا ہے۔
اسد عمر نے کہا تھا رجسٹرڈلوگوں سےدرخواست ہے جلدویکسی نیشن کیلئےسینٹرجائیں، جن کودوسری ویکسین لگنی ہے وہ ضرور بر وقت ویکسی نیشن کے لئے جائیں۔
خیال رہےپاکستان میں کرونا انفیکشن سے جاں بحق افراد کی تعداد21ہزار سے تجاوز کر گئی ہے، ملک میں گزشتہ 24 گھنٹوں کے دوران کرونا وائرس انفیکشن کی وجہ سے مزید 92 افراد انتقال کر گئے۔
