پیرس اولمپکس میں شرکت کے لیے پاکستان کا 18 رکنی دستہ آج فرانس کے لیے روانہ ہوگا اولمپکس میلہ 26 جولائی سے شروع ہوگا۔
فرانس کے شہر پیرس میں 26 جولائی سے سج رہا ہے اولمپکس میلہ، جس میں شرکت کے لیے دنیا بھر سے ایتھلیٹس فرانس پہنچنا شروع ہوگئے ہیں۔ پاکستان کا 18 رکنی دستہ بھی آج فرانس کے لیے روانہ ہوگا۔
پیرس اولمپکس کے لیے پاکستانی دستے میں 7 ایتھلیٹس اور 11 آفیشلز شامل ہیں۔
کھلاڑیوں میں تین شوٹرز، تیراکی میں جہاں آرا شامل ہیں جب کہ آفیشلز میں کوچ اور طبی عملہ شامل ہے۔
جیولین ہیرو ارشد ندیم اور جہاں آرا افتتاحی تقریب میں قومی دستے کی قیادت کریں گے۔
اس بار بدقسمتی سے پاکستان اپنے ہی قومی کھیل ہاکی کے ایونٹ کیلیے کوالیفائی نہیں کرسکا۔
