اسلام آباد : ایشیائی ترقیاتی بینک کی جانب سے گارنٹی کے بعد کمرشل بینکوں سے ایک ارب ڈالر قرض کی راہ ہموار ہوگئی۔
تفصیلات کے مطابق پاکستان کی کمرشل بینکوں سے ایک ارب ڈالر قرض کی راہ ہموار ہو گئی ہے۔
اعلامیے میں کہا گیا کہ اے ڈی بی نے پہلی بارپاکستان کیلئے پالیسی بنیاد پر 50 کروڑ ڈالر کی گارنٹی دی، ایشیائی ترقیاتی بینک نے پاکستان کیلئے 80 کروڑ ڈالر قرض کی منظوری دی ہے۔
اعلامیے میں کہنا تھا کہ 30 کروڑ ڈالر پالیسی قرض اور 50کروڑ ڈالر پالیسی کی بنیاد پر گارنٹی ہے، پاکستان کو گارنٹی سے کمرشل بینکوں سے 1ارب ڈالر فنانسنگ دستیاب ہوسکے گی۔
پاکستان کو امداد سے مالی استحکام کو مزید مضبوط بنانے میں مدد ملے گی، پاکستان کے میکرواکنامک حالات میں بہتری آئی ہے۔
امداد سے حکومت کو پالیسی اور ادارہ جاتی اصلاحات میں مدد ملے گی، پروگرام کے تحت ٹیکس پالیسی، انتظامی اور عملدرآمد میں بہتری کی جائے گی،اعلامیہ
ذرائع نے بتایا کہ حکومت مشرق وسطی کےبینکوں سے1ارب ڈالرقرض کےحصول کیلئےکوشش کر رہی تھی ، بینکوں نے شرط رکھی تھی قرض کی گارنٹی کسی مالیاتی ادارے سے فراہم کرائی جائے، قرض سے زرمبادلہ ذخائر آئی ایم ایف کی شرائط کے تحت بڑھانے میں مدد ملے گی۔
