پاکستان کے تعلیمی نصاب میں عربی تعلیم شامل کرنے کی کوشش کی جا رہی ہے اور گورنر سندھ نے اس حوالے سے وزیراعظم کو خط لکھنے کا اعلان کیا ہے۔
اے آر وائی نیوز کے مطابق گورنر سندھ کامران ٹیسوری نے کراچی میں ادارہ جامعۃ الرشید میں منعقدہ بین الاقوامی عربک ڈے میں شرکت کی اور تقریب سے خطاب کرتے ہوئے کہا کہ وہ پورے ملک بالخصوص سندھ کے تعلیمی نصاب میں عربی تعلیم کو شامل کرنے کے لیے وزیراعظم شہباز شریف اور وزیر اعلیٰ سندھ مراد علی شاہ کو خطوط لکھیں گے۔
عسکری قیادت محب وطن پاکستانی ہیں۔ ان کی حمایت میں بات کرو، تو اسٹیبلشمنٹ کا آدمی کہا جاتا ہے۔ ملک اور اسکی معیشیت کی حفاظت کرنے والے سپہ سالار کے ساتھ خون کے آخری قطرے تک کھڑا ہوں۔
ان کا مزید کہنا تھا کہ اسلام اور ملک دشمن طاقتوں کا منصوبہ عوام کو ایسے بیانیے کے پیچھے لگانا ہے، جسکا مقصد افواج کو کمزور کر کے ملک کو کمزور کرنا ہے۔
تقریب سے خطاب میں مہتمم جامعۃ الرشید مفتی عبدالرحیم کا کہنا تھا کہ ملک میں عربی زبان کی ترویج اور اشاعت کے لیے سیاست دان اپنا فرض ادا کریں۔
