اسلام آباد : پاکستان کا یورو بانڈ 3 سال کی مستحکم ترین سطح پر پہنچ گیا، جس سے بین الاقوامی بانڈ مارکیٹ میں پاکستان کے ڈیفالٹ کے تمام رسک ختم ہوگئے۔
تفصیلات کے مطابق پاکستان کی معیشت کے لئے بڑی خبر آگئی ، انٹرنیشنل بانڈ مارکیٹ میں پاکستان کا بانڈ3 سال کی مستحکم سطح پر آگیا۔
پاکستان کے یورو بانڈ کے لیے بین الاقوامی اعتمادبڑھنے لگا اور بین الاقوامی بانڈ مارکیٹ میں پاکستان کے ڈیفالٹ کے تمام رسک ختم ہوگئے۔
پاکستانی بانڈ کے رسک کی شرح 61.4 فیصد سےکم ہوکر7.79فیصدپرآگئی، سال 2026 کے 1.2 ارب ڈالر کے یورو بانڈ کی ادائیگی میں رسک شرح 8.5 پر آگئی۔
سال 2027کے 1.5 ارب ڈالر کے بانڈ کی ادائیگی میں رسک کی شرح 39.4 سے کم ہوکر 9.1 فیصد پر آگئی جبکہ سال 2029 کے ایک ڈالر بانڈ کی ادائیگی میں رسک کی شرح 28.8 فیصد سے کم ہوکر 9.4 فیصد پر آگئی۔
بین الاقوامی بانڈ مارکیٹ میں پاکستان کے زرمبادلہ کے ذخائر کم ہونے کے خدشات ختم ہوگئے اور پاکستانی معیشت ڈیفالٹ سے نکل کر مستحکم ہوچکی، اعتماد بحال ہونے سے پاکستان بین الاقوامی بانڈ مارکیٹ میں اپنا بانڈ پیش کرنے کے قابل ہوگیا ہے۔
