اسلام آباد: مالی سال 25-2024 میں پاکستان کی یورپی برآمدات میں قابل ذکر اضافہ ریکارڈ کیا گیا۔
اسپیشل انویسٹمنٹ فیسیلیٹیشن کونسل (ایس آئی ایف سی) کی معاونت سے یورپی برآمدات میں بہتری آئی جبکہ معاشی ترقی کو فروغ ملا۔
پاکستان کی یورپی ممالک کو ایکسپورٹ میں جولائی تا اپریل 8.6 فیصد کا اضافہ ہوا۔ سال بہ سال برآمدات میں نمایاں بہتری سے ملکی معیشت مستحکم ہو رہی ہے۔
یہ بھی پڑھیں: ٹیکسٹائل برآمدات میں ریکارڈ اضافہ
گزشتہ مالی سال کی نسبت ایکسپورٹ میں اضافہ ہوا جو 6.95 ارب ڈالر سے بڑھ کر 7.55 ارب ڈالر تک پہنچ گئیں۔
یورپی منڈیوں میں پاکستانی مصنوعات خاص طور پر ٹیکسٹائل اور ملبوسات کی مانگ میں اضافہ ہوا۔ ایکسپورٹ کی بڑھوتری ملکی سرمایہ کاری، صنعتوں کی ترقی اور محصولات میں اضافے کا باعث ہے۔
ایس آئی ایف سی کی سہولت کاری سے یورپ میں ایکسپورٹ ممکن ہوئی جبکہ معیشت پر مثبت اثرات مرتب ہوئے۔
ٹیکسٹائل برآمدات میں ریکارڈ اضافہ
اپریل 2025 میں ادارہ شماریات نے رپورٹ جاری کی جس کے مطابق رواں مالی سال کے پہلے 9 ماہ میں ٹیکسٹائل برآمدات میں 9.38 فیصد اضافہ ریکارڈ کیا گیا۔
جولائی تا مارچ ٹیکسٹائل گروپ کی برآمدات 13 ارب 61 کروڑ ڈالرز سے زائد رہیں اور صرف مارچ میں ٹیکسٹائل برآمدت میں 9.97 فیصد اضافہ ریکارڈ کیا گیا۔
مارچ میں ٹیکسٹائل برآمدات کیساتھ 1.43 ارب ڈالر رہیں۔
ادارہ شماریات کے مطابق 9 ماہ میں ریڈی میڈگارمنٹس کی برآمدات میں 19.05 فیصد اضافہ ہوا اور اس عرصے میں ملبوسات کی برآمد میں 16.82 فیصد اضافہ ہوا۔
جولائی تا مارچ بیڈنگ مصنوعات کی برآمدات میں 13.70 فیصد اضافہ ہوا، سالانہ بنیاد پر تولیے کی برآمدات میں 4.46 فیصد اضافہ ہوا۔
سالانہ بنیاد پر جولائی تا مارچ سوتی کپڑے کی برآمدات میں 0.11 فیصد اضافہ ہوا، 9 ماہ میں دھاگے کی برآمدات میں 32.01 فیصد کمی ریکارڈ کی گئی۔
خیموں، کینوس اور ترپالوں کی برآمدات میں 14.46 فیصد اضافہ ہوا جب کہ جولائی تامارچ خام کپاس کی برآمدات میں 98.45 فیصد کمی ریکارڈ کی گئی۔
