لاہور : اورنج لائن ٹرین سروس کاآغاز کردیا گیا ، پہلی اورنج لائن ٹرین گجراں سے مسافروں کو لیکرعلی ٹاؤن روانہ ہوئی، ٹرین میں یومیہ ڈھائی لاکھ مسافر سفر کرسکیں گے۔
تفصیلات کے مطابق لاہورمیں شہریوں کے لئے اورنج لائن ٹرین سروس کاآغاز کردیا گیا ، یومیہ ڈھائی لاکھ مسافراورنج لائن ٹرین میں سفر کرسکیں گے۔
پہلی اورنج لائن ٹرین گجراں سے مسافروں کو لیکرعلی ٹاؤن روانہ ہوئی ، 27کلو میٹر کےٹریک پر 26 اسٹیشنز پراورنج لائن ٹرین رکےگی۔
اورنج لائن ٹرین کا یک طرفہ کرایہ 40 روپے مقرر کیا گیا ہے ، اسپیشل افراد،بچوں،بزرگوں اور خواتین کے لئے علیحدہ نشستیں ہیں جبکہ ٹرین کےانجن کےساتھ 5 بوگیوں نصب کی گئی ہیں۔
مزید پڑھیں : عثمان بزدار نے اورنج لائن میٹرو ٹرین کا افتتاح کر دیا
ٹرین کی ہر بوگی میں آگ سےبچاؤکےحفاظتی انتظامات کئے گئے ہیں جبکہ ٹرین میں خود کار نظام اسٹیشنز کے حوالے سے آگاہی دیتا ہے۔
گذشتہ روز وزیر اعلیٰ پنجاب عثمان بزدار نے اورنج لائن میٹرو کا افتتاح کرتے ہوئے کہا تھا اورنج لائن میٹرو ٹرین پاک چین دوستی کی مثال ہے، ہماری حکومت نے اس منصوبے کو پایہ تکمیل تک پہنچایا۔
واضح رہے کہ سابق حکومت کے اس منصوبے پر 200 ارب سے زائد لاگت آ چکی ہے، اس کی تکمیل کے سلسلے میں تاریخی عمارات کو نقصان پہنچنے کے اندیشے کے باعث طویل عرصے تک حکم امتناع رہا، تکمیل کے آخری مرحلے میں عدلیہ نے منصوبہ رواں سال شروع کرنے کی ہدایت کی۔
