The news is by your side.

Advertisement

پاکستان میں پہلی بار مصنوعی دل لگانے کا کامیاب آپریشن

کراچی: پاکستان میں پہلی بار مصنوعی دل لگانے کا کامیاب آپریشن کرلیا گیا۔ مذکورہ آپریشن قومی ادارہ امراض قلب میں کیا گیا۔

تفصیلات کے مطابق کراچی کے قومی ادارہ امراض قلب میں خاتون کو مصنوعی دل لگانے کا کامیاب آپریشن کرلیا گیا۔

یہ پاکستان میں اپنی نوعیت کا پہلا آپریشن ہے جو کامیابی سے ہمکنار ہوا۔

ٹرانسپلانٹیشن ٹیم کی سربراہی ڈاکٹر پرویزچوہدری کر رہے تھے جبکہ ٹیم میں امریکی ڈاکٹرز بھی شامل تھے۔ آپریشن 5 گھنٹے تک جاری رہا۔

ڈاکٹرز کے مطابق مریضہ نفیسہ احمد کا دل صرف 15 فیصد کام کر رہا تھا۔

اس موقع پر نگراں صوبائی وزیر صحت ڈاکٹر سعدیہ نے بھی این آئی سی وی ڈی کا دورہ کیا۔

انہوں نے اسپتال میں انتظامات اور سہولتوں کی تعریف کرنے کے ساتھ آپریشن کرنے والی ٹیم کی کاوشوں کو بھی سراہا۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں