اسلام آباد: سائبر فراڈ اور ڈیجیٹل منی لانڈرنگ میں ملوث نیٹ ورک بے نقاب ہوگیا۔
تفصیلات کے مطابق سائبر فراڈ اور ڈیجیٹل منی لانڈرنگ میں ملوث نیٹ ورک بے نقاب ہوگیا، آپریشن گرے کے دوران 93 افراد کو گرفتار کرکے 12کال سنٹرز کو سیل کردیا گیا۔
نیشنل سائبر کرائم انویسٹی گیشن ایجنسی نے (آپریشن گرے) کے نام سے ملک بھر میں غیر قانونی کال سنٹرز کے خلاف کارروائیاں عمل میں لائیں گئیں، کارروائیوں کے دوران غیر ملکیوں کو بھی گرفتار کیا گیا، کال سنٹر مالیاتی فراڈ میں ملوث تھے، رقوم بیرون ملک بھجوائی جاتی تھی۔
این سی ای آئی اے کے مطابق شمالی امریکا، یورپ اور دیگر ممالک متاثر ہورہے تھے، اس سے قبل پاکستان کی انٹیلی جنس ایجنسیوں نے، نیشنل سائبر کرائم انویسٹی گیشن ایجنسی (این سی سی آئی) ملتان کے ساتھ مل کر، ملک میں کام کرنے والے ایک عالمی سائبر کرائم نیٹ ورک کو پکڑا تھا۔
کریک ڈاؤن میں 21 رکنی گینگ کے 5 ارکان کو گرفتار کیا گیا تھا جن میں محمد اسلم، عدیل عزیز، اسامہ نواز، عبدالمعیز اور شعیب نذیر شامل تھے۔
3 کروڑ 50 لاکھ روپے کے ویزا فراڈ میں ملوث بدنام زمانہ اشتہاری گرفتار
