سندھ حکومت نے ملک کے سب سے زیادہ آبادی والے شہر کراچی میں پاکستان کا سب سے بڑا ویکسینیشن سینٹر قائم کردیا۔
تفصیلات کے مطابق سندھ حکومت نےایکسپو سینٹر میں کوروناویکسینیشن کیلئےمیگا سینٹرقائم کیا جس میں روزانہ 30ہزار افراد کو مفت ویکسین لگائی جاسکےگی۔
ایکسپو سینٹر میں بڑے پیمانے پر شہریوں کی ویکسی نیشن اتوار 9 مئی سے شروع ہو گی اور ویکسین لگانے کا عمل بلاتعطل 24 گھنٹے جاری رہے گا۔
ویکسی نیشن سینٹر وزیراعلیٰ سندھ کی نگرانی میں کام کرے گا۔
سندھ حکومت نے کرونا کی موجودہ صورت حال کے پیشِ نظر سرکاری اسپتالوں میں تعینات عملے کی عید کی تعطیلات منسوخ کر دی ہیں۔
نوٹی فکیشن میں بتایا گیا ہے کہ سرکاری اسپتالوں میں تعینات عملے کو عید کی تعطیلات کے دوران باقاعدگی اور معمول کے مطابق امور انجام دینا ہوں گے۔
نوٹی فکیشن میں بتایا گیا ہے کہ عیدکے 3 دن کے علاوہ ویکسی نیشن سینٹر کھلے رہیں گے۔ سندھ حکومت نے وضاحت کی ہے کہ کروناویکسی نیشن سینٹر 13 سے 15 مئی تک بند رہیں گے۔
