پاکستان کے دورہ بنگلادیش کے ٹی 20 شیڈول کا اعلان کردیا گیا ہے۔

پاکستان کرکٹ ٹیم آئندہ ماہ تین ٹی 20 میچوں کی سیریز کے لیے بنگلادیش کا دورہ کرے گی جس کی تصدیق بنگلادیش کرکٹ بورڈ نے کردی ہے۔

پاکستان کی ٹیم 16 جولائی کو ڈھاکا پہنچے گی۔

پہلا ٹی 20 میچ 20 جولائی، دوسرا 22 اور تیسرا اور آخری ٹی 20 میچ 24 جولائی کو کھیلا جائے گا۔

تینوں میچز شیر بنگلا نیشنل کرکٹ اسٹیڈیم ڈھاکا میں ہوں گے اور میچز پاکستانی وقت کے مطابق شام 5 بجے شروع ہوں گے۔

دونوں ٹیموں نے آخری بار مئی میں ٹی 20 سیریز کھیلی تھی جس میں پاکستان نے بنگلادیش کو وائٹ واش کیا تھا۔