پاکپتن:گاؤں امرسنگھ میں دوسری شادی سے منع کرنے پر شوہر نے بھائی کے ساتھ مل کر بیوی کو قتل کردیا۔
تفصیلات کے مطابق پاکپتن کے گاؤں امر سنگھ میں ایک افسوسناک واقعہ پیش آیا ہے جہاں دوسری شادی سے منع کرنے پر شوہر نے بھائی کے ساتھ مل کر بیوی کو قتل کردیا۔
پولیس کا کہنا ہے کہ ملزم خالد نے بھائی ساجد کے ساتھ ملکر بیوی کو فائرنگ کر کے قتل کیا، اس واقعے کا نوٹس پاکپتن کے ڈی پی او نے لے لیا۔
پولیس کا کہنا ہے کہ ڈی پی او کے نوٹس پر پولیس نے دونوں ملزمان کو گرفتار کرلیا ہے جبکہ دونوں ملزمان کے خلاف مقدمہ بھی درج کرلیا گیا ہے۔
دوسری جانب شجاع آباد کے کھاکھی پنجانی میں زمین کے تنازع پر فائرنگ سے 10 سال کی طالبہ جاں بحق ہوگئی، لاش پوسٹ مارٹم کے لیے سول اسپتال منتقل کردی گئی ہے پولیس کا کہنا ہے کہ کارروائی کا آغاز بھی کردیا ہے۔
