ایشیا کپ سپر فور مرحلے میں قومی ٹیم نے افغانستان کو نسیم شاہ کے دو چھکوں کی بدولت سنسنی خیز مقابلے کے بعد شکست دے دی۔
تفصیلات کے مطابق پاکستان نے افغانستان کو ایک وکٹ سے شکست دے کر ایشیا کپ کے فائنل میں رسائی حاصل کرلی جبکہ افغانستان اور بھارت کی ٹیمیں ایونٹ سے باہر ہوگئیں۔
نسیم شاہ نے دو گیندوں پر دو چھکے لگا کر میچ جتوایا۔
قومی ٹیم نے 130 رنز کا ہدف آخری اوور میں پورا کیا شاداب خان 36، افتخار احمد 30 رنز بنا کر نمایاں رہے۔
میچ کے 18ویں اوورز میں آصف علی کو آؤٹ کرکے افغان فاسٹ بولر فرید احمد نے مغلظات بکیں اور دھکے دیے جس پر آصف علی نے انہیں بلا دکھایا۔
افغان بولرز کے رویے پر امپائر اور دیگر افغان کھلاڑیوں کو بیچ بچاؤ کروانے کے لیے آنا پڑا۔
Ban Asif ali for this. #PAKvAFG pic.twitter.com/GQ9UoTbpvy
— Gems of E-lafda (@GemsofELafda) September 7, 2022
آصف علی جانے لگے پھر بھی فرید احمد باز نہ آئے اور پیچھے سے جملے کسنے کا سلسلہ جاری رکھا اور پانی لے کر آنے والے افغان کھلاڑی بھی جملے کستے نظر آئے۔
بعدازاں نسیم شاہ بیٹنگ کے لیے آئے تو ٹیم کوجیت کے لیے 12 رنز درکار تھے نسیم شاہ نے دو گیندوں پر دو چھکے لگا کر افغان غرور خاک میں ملا دیا۔
— Out Of Context Cricket (@GemsOfCricket) September 7, 2022
