شارجہ: آسٹریلیا نے پاکستان کو دوسرے ون ڈے میچ میں بھی 8 وکٹوں سے شکست دے دی، کینگروز کپتان ایرون فنچ کیریئر بیسٹ نے مسلسل دوسری سنچری جڑ دی، آسٹریلیا کو پانچ میچوں کی سیریز میں 2-0 کی برتری حاصل ہوگئی۔
تفصیلات کے مطابق شارجہ میں کھیلے جانے والے دوسرے میچ میں آسٹریلیا نے پاکستان کی جانب سے دیا جانے والا 285 رنز کا ہدف باآسانی 13 گیندوں پہلے 2 وکٹوں کے نقصان پر حاصل کرلیا، کپتان ایرون فنچ نے ناقابل شکست 155 رنز کی اننگز کھیلی۔
کینگروز کی پہلی وکٹ 209 رنز پر گری جب آسٹریلوی اوپنر بلے باز عثمان خواجہ 88 رنز بنا کر یاسر شاہ کا شکار بنے، گلین میکسویل 19 رنز بنا کر حارث سہیل کی ڈائریکٹ تھرو پر رن آؤٹ ہوئے۔
پاکستان کے لیگ اسپنر یاسر شاہ نے ایک کھلاڑی کو آؤٹ کیا، دیگر کوئی کھلاڑی وکٹ حاصل نہیں کرسکا۔
Déjà vu?
A second consecutive hundred for Aaron Finch, a second straight 280+ chase for Australia in Sharjah#PAKvAUS https://t.co/3LqEdOYcmP pic.twitter.com/83ol5I3l3n
— ESPNcricinfo (@ESPNcricinfo) March 24, 2019
قبل ازیں شارجہ میں کھیلے جانے والے دوسرے ون ڈے میچ میں محمد رضوان کی شاندار سنچری کی بدولت پاکستان نے مقررہ اوورز میں 7 وکٹوں کے نقصان پر 284 رنز بنائے اور کینگروز کو جیت کے لیے 285 رنز کا ہدف دیا تھا۔
محمد رضوان نے 115 رنز کی شاندار اننگز کھیلی، کپتان شعیب ملک 60 رنز بنا کر نمایاں رہے، حارث سہیل 34 رنز بنا کر پویلین لوٹ گئے۔
Maiden ODI 💯 comes up for @iMRizwanPak. Brilliant innings by the wicketkeeper-batsman.#PAKvAUS LIVE ▶️ https://t.co/AdIiptjLnS pic.twitter.com/l4zDKqUWEJ
— PCB Official (@TheRealPCB) March 24, 2019
آسٹریلیا کے جھائے رچرڈسن اور کارٹر نیل نے دو، دو وکٹیں حاصل کیں جبکہ ایڈم زمپا، لیون اور ایرون فنچ کے حصے میں ایک، ایک آسکی۔
قبل ازیں شارجہ میں کھیلے جانے والے دوسرے ون ڈے میچ میں شعیب ملک نے ٹاس جیت کر پہلے بیٹنگ کا فیصلہ کیا، پاکستان ٹیم میں محمد عامر کی جگہ محمد حسنین کو ڈڈیبیو کرایا گیا ہے جبکہ آسٹریلیا کی ٹیم میں کوئی تبدیلی نہیں کی گئی ہے۔
قومی ٹیم نے اننگز کا آغاز کیا تو بغیر کوئی رنز بنائے امام الحق پویلین لوٹ گئے، دوسرے اوپنر شان مسعود بھی 35 رنز کے مجموعی اسکور پر 19 رنز بنا کر وکٹ گنوا بیٹھے۔
آسٹریلیا کے جھائے رچرڈسن نے دو وکٹیں حاصل کیں۔
اسکواڈ قومی کرکٹ ٹیم
Pakistan team playing XI for the second #PAKvAUS ODI.
LIVE ▶️ https://t.co/AdIiptjLnS pic.twitter.com/IL4ZwUKXhK— PCB Official (@TheRealPCB) March 24, 2019
واضح رہے کہ پہلے ون ڈے میچ میں کینگروز نے گرین شرٹس کو 8 وکٹوں سے شکست دے کر پانچ میچوں کی سیریز میں 1-0 کی برتری حاصل کرلی تھی۔
