دبئی: آسٹریلیا نے پاکستان کو ون ڈے سیریز میں وائٹ واش کردیا، حارث سہیل کی 130 رنز کی اننگز بھی پاکستان کو پانچویں ون ڈے میچ میں شکست سے نہ بچاسکی۔
تفصیلات کے مطابق آسٹریلیا نے پاکستان کو پانچویں ون ڈے میچ میں بھی 20 رنز سے شکست دے کر وائٹ واش کردیا، 328 رنز کے تعاقب میں قومی ٹیم 7 وکٹوں کے نقصان پر 307 رنز ہی بناسکی، جیسن بینڈروف نے تین وکٹیں حاصل کیں۔
پاکستان کی پہلی وکٹ ایک رن پر گری جب چوتھے ون ڈے میچ میں سینچری بنانے والے عابد علی بغیر کوئی رن بنائے پویلین لوٹ گئے، شان مسعود نے 54 گیندوں پر 50 رنز کی اننگز کھیلی انہیں زمپا نے آؤٹ کیا۔
حارث سہیل نے 130 رنز کی شاندار اننگز کھیلی، محمد رضوان 12 رنز بنا کر پویلین لوٹ گئے، عمر اکمل 43 رنز بنا کر لیون کی گیند پر کیچ آؤٹ ہوئے، سعد علی 4 رنز پر وکٹ گنوا بیٹھے۔
قائم مقام کپتان عماد وسیم نے 50 رنز کی ناقابل شکست اننگز کھیلی، یاسر شاہ 11 رنز بناکر پویلین لوٹ گئے۔
Match Summary!
Australia win the fifth #PAKvAUS ODI by 20 runs and win the series by 5-0.
Scorecard ➡ https://t.co/S9ZLe4IQWv pic.twitter.com/FKeQb5AnKB— PCB Official (@TheRealPCB) March 31, 2019
آسٹریلیا کے جیسن بینڈروف نے تین وکٹیں حاصل کیں جبکہ لیون، رچرڈسن، ایڈم زمپا اور میکسویل نے ایک، ایک وکٹ حاصل کی۔
قبل ازیں دبئی میں کھیلے جانے والے پانچویں ون ڈے میچ میں آسٹریلیا نے مقررہ اوورز میں 7 وکٹوں کے نقصان پر 327 رنز بنائے اور پاکستان کو جیت کے لیے 328 رنز کا ہدف دیا، گلین میکسویل نے برق رفتار نصف سنچری اسکور کی۔
آسٹریلوی اوپنرز ایرون فنچ اور عثمان خواجہ نے ٹیم کو عمدہ آغاز فراہم کیا، کینگروز کی پہلی وکٹ 134 رنز پر گری جب ایرون فنچ 53 رنز بنا کر پویلین لوٹ گئے، عثمان خواجہ نے 98 رنز بنائے۔
شان مارش 61 رنز بنا کر جنید خان کی گیند پر عابد علی کو کیچ دے بیٹھے، آل راؤنڈر اسٹونس 4 رنز بنا کر آؤٹ ہوئے، گلین میکسویل نے 70 رنز کی اننگز کھیلی۔
قومی ٹیم کے فاسٹ بولر عثمان شنواری نے چار وکٹیں حاصل کیں جبکہ جنید خان نے تین وکٹیں حاصل کیں۔
Innings Break!
Australia set the target of 328 for Pakistan in the fifth #PAKvAUS ODI.
LIVE: https://t.co/avcLMT5dUw pic.twitter.com/8B2Y7x8Bge— PCB Official (@TheRealPCB) March 31, 2019
قبل ازیں پانچویں اور آخری ایک روزہ میچ میں قومی ٹیم کے کپتان عماد وسیم نے ٹاس جیت کر کینگروز کو پہلے بیٹنگ کی دعوت دی ہے، قومی ٹیم میں ایک تبدیلی کی گئی ہے محمد حسنین کی جگہ محمد عباس کو شامل کیا گیا ہے۔
آسٹریلوی ٹیم میں بھی ایک تبدیلی کی گئی ہے، فاسٹ بولر کالٹر نیل کی جگہ جیسن بینڈروف کو ٹیم کا حصہ بنایا گیا ہے۔
Pakistan team Playing XI for the fifth #PAKvAUS ODI.
LIVE ➡ https://t.co/FxV4f4DiiZ pic.twitter.com/MVeVSxryGP— PCB Official (@TheRealPCB) March 31, 2019
واضح رہے کہ آسٹریلیا ون ڈے سیریز پہلے ہی اپنے نام کرچکا ہے، کینگروز کو سیریز میں 4-0 کی برتری حاصل ہے۔
