ایشیا کپ کا آغاز آج سری لنکا اور افغانستان کے میچ سے ہونے جارہا ہے لیکن شائقین کرکٹ کو کل ہونے والے پاک بھارت میچ کا انتظار ہے.
پاکستان کرکٹ بورڈ (پی سی بی) کی جانب سے پاک بھارت کپتانوں کی ویڈیو شیئر کی گئیں جسے مداحوں کی جانب سے بھرپور پذیرائی مل رہی ہے۔
کپتان بابر اعظم اور کپتان روہت شرما نے آئی سی سی اکیڈمی گراؤنڈ میں اس وقت بات چیت کی جب بھارتی ٹیم ٹریننگ سیشن ختم کر کے واپس جا رہی تھی جبکہ پاکستان کا ٹریننگ سیشن شروع ہونے والا تھا۔
بابر اعظم نے روہت شرما سے ان کی فیملی کے حوالے سے پوچھا تو روہت نے بتایا کہ وہ چار پانچ روز تک آئے گی۔
پھر روہت شرما نے بابر اعظم سے ان کی فیملی کا پوچھا جس پر قومی کپتان ’ابھی نہیں‘ کہہ کر مسکرا دیے۔
©️ meets ©️#AsiaCup2022 pic.twitter.com/OgnJZpM9B1
— Pakistan Cricket (@TheRealPCB) August 27, 2022
اس سے قبل پاکستان اور بھارت کے دیگر کھلاڑی اور اسپورٹ اسٹاف کے ارکان بھی ایک دوسرے سے ملے، ویرات کوہلی اور بابر اعظم نے بھی ایک دوسرے سے ملاقات کی تھی۔
ویرات کوہلی اور دیگر بھارتی کھلاڑیوں نے انجرڈ شاہین شاہ آفریدی سے خیریت بھی دریافت کی تھی۔
یاد رہے کہ قومی ٹیم کے اہم فاسٹ بولرز شاہین آفریدی اور محمد وسیم جونیئر ایونٹ سے باہر ہوچکے ہیں ان کی جگہ محمد حسنین اور حسن علی کو اسکواڈکا حصہ بنایا گیا ہے۔
