دبئی: قومی ٹیم کے کپتان بابر اعظم کا کہنا ہے کہ سیلاب زدگان کے لیے عطیہ دینا چاہتے ہیں دیگر کھلاڑیوں سے بھی عطیات کے لیے بات کی ہے۔
اے آر وائی نیوز کے مطابق ایشیا کپ کے ہائی وولٹیج میچ سے قبل قومی ٹیم کے کپتان بابر اعظم نے میڈیا سے گفتگو کرتے ہوئے کہا کہ دبئی کی گرمی اور پاک بھارت میچ کی گرمی کے لیے تیار ہیں۔
انہوں نے کہا کہ پاک بھارت میچ کا سب انتظار کرتے ہیں ہم کل کے میچ میں اچھی ٹیم میدان میں اتاریں گے۔
We are not a one-man side, says Babar ahead of India match
Read more: https://t.co/YrhXuqxP6d#AsiaCup2022
— PCB Media (@TheRealPCBMedia) August 27, 2022
شاہین سے متعلق بابر اعظم نے کہا کہ شاہین آفریدی ہمارا بہترین بولر ہے لیڈ اور اٹیک کرتا ہے اسے مس کریں گے بلکہ دونوں ٹیمیں ہی ورلڈ کلاس بولرز بمراہ اور شاہین کو مس کریں گی۔
انہوں نے بتایا کہ حسن علی کو ریسٹ دیا تھا ڈراپ نہیں کیا تھا۔
بابر اعظم نے کہا کہ پچ دیکھی ہے اس پر گھاس موجود ہے آج کے میچ کے بعد وکٹ کا اندازہ ہوگا ہم کل کے میچ میں انشا اللہ اچھی کرکٹ کھیلیں گے۔