پاکستان اور جنوبی افریقا کے درمیان ون ڈے میچ کے دوران فاسٹ بولر شاہین آفریدی اور میتھیو بریٹزی میں گرما گرمی کی ویڈیو سوشل میڈیا پر وائرل ہوگئی۔
سہ فریقی سیریز کا تیسرا ون ڈے میچ پاکستان اور جنوبی افریقا کے درمیان کراچی کے نیشنل بینک اسٹیڈیم میں کھیلا جارہا ہے اس دوران دونوں ٹیموں کے کھلاڑی الجھ پڑے۔
شاہین آفریدی نے میتھیو کو ڈاٹ بال کروائی، میتھیو نے بیٹ دکھایا جس پر شاہین نے جملے کسے۔
شاہین کی اگلی گیند پر میتھیو نے رن لینے کے دوران شاہین کو ٹکر ماری پھر دونوں ایک دوسرے کی طرف بڑھے تو کھلاڑیوں اور امپائر نے بیچ بچاؤ کروایا۔
اس کے بعد ٹیمبا باوما کے رن آؤٹ ہونے کے بعد سعود شکیل کی جانب سے پرجوش انداز منایا۔
باوما نے بیک ورڈ پوائنٹ پر لینتھ ڈیلیوری کھیلی اور فوری سنگل لینے کی کوشش کی لیکن ساتھی کھلاڑی نے ہچکچاہٹ کا مظاہرہ کیا اور باوما پچ کے بیچ میں پھنس گئے، بیک ورڈ پوائنٹ پر موجود سعود شکیل نے گیند کو اسٹمپ کی طرف تھرو کیا اور تھرڈ امپائر نے انہیں رن آؤٹ قرار دیا۔
سعود شکیل کو خاص جارحانہ انداز میں جشن مناتے ہوئے چیخے اور جنوبی افریقی کپتان کو گھورتے ہوئے دیکھا گیا۔
اس دوران ٹمبا باووما اور سود شکیل کے درمیان گرما گرمی بھی دیکھنے میں آئی لیکن ساتھی کھلاڑی نے سعود شکیل کو ہٹا کر معاملہ ختم کردیا۔
